view original web page on mizzima internet news
ဆောင်းပါး
ဘိုဘိုကျော်ငြိမ်း
Tuesday, 04 December 2007 21:32 – မြန်မာစံတော်ချိန်
လက်ရှိ ဗမာနိုင်ငံရဲ့ အခြေအနေဟာ သိမ်မွေ့တယ်လို့လဲ ဆိုနိုင်တယ်။ ကျနော် အမြဲတင်ပြခဲ့သလို ကျနော်တို့ နိုင်ငံရဲ့ နောက်ဆုံးမိုင် The last mile ကို ဒေါ်စု တယောက်ပဲ လျှောက်နိုင်ပါတယ်။ နိုင်ငံအတွက် ငြိမ်းချမ်းသောနည်းနဲ့ အဖြေရှာ ရမယ်ဆိုရင်၊ တွေ့ဆုံ ဆွေးနွေးရေးနဲ့ အဖြေရှာရမယ်ဆိုရင် လူထုကိုယ်စား၊ တိုင်းပြည်ကိုယ်စား ဒေါ်စုပဲ နောက်ဆုံးမိုင်ကို ဦးဆောင်လျှောက်နိုင်ပါတယ်။ တကမ္ဘာလုံးနဲ့ တပြည်လုံးက ဒေါ်စုကိုပဲ ယုံကြည်အားကိုးကြလို့ပါ။
ဒါပေမယ့် လက်ခုပ်ဆိုတာ နှစ်ဖက်တီးမှ မြည်လေ့ရှိပါတယ်။ ပြည်သူအများက ငြိမ်းချမ်းရေးနဲ့ တိုင်းပြည် တိုးတက်ရေးကို လိုလားပေမယ့် ဓါးမိုးအုပ်ချုပ်လျှက်ရှိတဲ့ စစ်အာဏာရှင်တွေကလည်း တိုင်းပြည်နဲ့ လူမျိုးအပေါ် စေတနာရှိမှ၊ ငြိမ်းချမ်းစွာ အဖြေရှာလို့ ရနိုင်ပါမယ်။ နိုင်ငံရေးဆိုတာ အာဏာနဲ့ ရောယှက်နေတာကြောင့် အာဏာလက်ကိုင်ထားသူတွေဟာ လွယ် လွယ်နဲ့ အာဏာကို လွှဲပေးလေ့ မရှိပါဘူး။ ဥပါယ်တမျည်နဲ့ ရှေ့တိုး နောက်ဆုတ် အမျိုးမျိုး ဉာဏ်ကစား လှည့်ဖျားပြီး မတတ်သာမှ အလျှော့ပေးလေ့ ရှိကြပါတယ်။ ဒါကြောင့် လက်ရှိ အခြေအနေဟာ အလွန်သိမ်မွေ့ပြီး ဒေါ်စုနောက်က “တသံ” တည်း ထွက်နိုင်မှ အင်အားပြနိုင်မှ တော်ရုံကျမယ်လို့ ထင်မြင်မိပါတယ်။
လူ့ဘ၀မှာ အခွင့်အရေး (opportunity) ဆိုတာ နှစ်ခါဆက်တိုက် လာလေ့ မရှိတတ်ကြပါဘူး။ ရတောင့်ရခဲ အသက်ပေါင်း များစွာနဲ့ ရင်းခဲ့ရတဲ့ အခွင့်အရေးကို လက်လွတ်မသွားစေချင်ပါ။ လက်ရှိ အခြေအနေကို လက်တွေ့ကျကျ သုံးသပ်ပြီး ထောက်ခံသင့်တာကို ထောက်ခံ၊ လုပ်သင့်တာကို လုပ်ပြီး (အားလုံး) ကိုယ်စီ ကြိုးစားကြဖို့ လိုအပ်ပါတယ်။
တဘက်ကလည်း မျက်စေ့မှိတ်ပြီး မျှော်လင့်ချက် မပိုစေချင်ပါ။ ယနေ့အခြေအနေဟာ မျှော်လင့်ချက် ရောင်ခြည်သန်းတဲ့ အဆင့်ပင် မရောက်သေးပါ။ မျှော်လင့်စရာရှိနိုင်သည့် အခြေအနေသို့သာ ရောက်ပါသေးသည်။ မျှော်လင့်ချက် (hope) ပေး ပြီး နိုင်ငံရေးကစားနိုင်သည်ကိုလည်း မေ့၍ မရပါ။ ၁၉၈၈ (၈၈၈၈) ပြည်သူ့အုံကြွမှုကြီးတုန်းကလည်း စစ်တပ်က ဒီမိုကရေစီ ပေးမည့်ပုံယောင်ယောင်၊ နိုင်ငံရေးကစားပြီး နားလှည့်ပါးရိုက် အားလုံးကို လှည့်စားခဲ့ဖူးပါသည်။ မျှော်လင့်ချက် (hope) ပေးပြီး (၈၈၈၈) ပြည်သူ့အုံကြွမှုကြီးရဲ့ အရှိန် (momentum) ကို ရိုက်ချိုးခဲ့ဖူးပါသည်။ ယနေ့လည်း တွေ့ဆုံ ဆွေးနွေးရေး မျှော်လင့်ချက် ပေးထားရုံသာ ရှိပါသေးသည်။ (အရိပ်) ကိုသာ ဖော်ပြထားပါသည်။ အကောင်အထည်ကို မမြင်ရသေးပါ။
အမှန်ကို သတ္တိရှိရှိ ကြည့်တတ်လျှင် ဒေါ်စုသည် ကိုယ်ကျိုးစွန့်၍ အနစ်နာခံကာ တိုင်းပြည်အတွက် စေတနာထားကာ တွေ့ဆုံဆွေးနွေးရေး လမ်းကြောင်းမှာသာ မပြောင်းမလဲ တောက်လျှောက် ရပ်တည်ခဲ့သော်လည်း (နအဖ) စစ်ဗိုလ်ချုပ် တို့က အလေးမထားခဲ့ဟု ဆိုနိုင်ပါသည်။ ဒီပဲယင်းတွင် လုပ်ကြံခဲ့ကြပြီး ဒင်းတို့ကပင် မတရား ပြည်သူ့ခေါင်းဆောင်ကို အိမ်တွင်း အကျဉ်းချခဲ့သည်မှာ ယနေ့ထက်တိုင်ပင် မဟုတ်ပါလား?
ဆင်းရဲမှုဒဏ်၊ အာဏာနှင့် မတရားဖိနှိပ်မှုဒဏ်ကို အနှစ် (၄၀) ကျော်ကျော် နှစ်ဘက်ညှပ် ခံနေရသော ပြည်သူလူထုက တဖန်လမ်းပေါ်မှာ ရဲရဲကြီး ၎င်းတို့၏ဆန္ဒကို ကြွေးကြော်ခဲ့မှ၊ အသက်ပေါင်းများစွာ စတေး၍ ထပ်မံတောင်းဆိုလာမှ၊ ကမ္ဘာ့ ပရိသတ်ကပါ တောင်းဆိုလာမှ ဘုရား၏သားတော် ရဟန်းတော်များ ဦးဆောင်တောင်းဆိုလာမှ၊ မနေသာတဲ့အဆုံး UN နဲ့ ဂမ်ဘာရီကို အသုံးပြုပြီး မျှော်လင့်ချက်နှင့် အရှိန်သတ်ရန် တွေ့ဆုံ ဆွေးနွေးရေးကဒ် (card) ကို ဖုန်သုတ်ကာ နိုင်ငံရေးစင်ပေါ် တင်ပြလာရသည် မဟုတ်ပါလား?
ဤဖြစ်ရပ်များကို သက်သေပြု၍ နိုင်ငံရေးတွေး တွေးမယ်ဆိုရင် (နအဖ) စစ်ဗိုလ်တွေ စိုးရိမ်ထိပ်လန့်တာ၊ ပြည်သူ့အုံကြွမှု တခုပဲလို့ တွေးဆနိုင်ပါတယ်။ ကျနော့ရဲ့ ပုဂ္ဂိုလ်ရေး အမြင်တခုထဲနဲ့ ပြောရရင် ပြည်သူ့အုံကြွမှု ရှေ့တလှမ်း မတိုးနိုင်ခင် တဖက်က ရက်ရက်စက်စက် သတ်ဖြတ်နှိမ်နင်းပြီး၊ တဖက်က မျှော်လင့်ချက်ပေးပြီး အုံကြွမှုအရှိန်ကို ရိုက်ချိုးလိုက်တာလို့ ပဲ ရိုးရိုးသားသား သုံးသပ်မိတယ်။ နိုင်ငံရေးမှာ ရေမှုတ်တဖက်၊ မီးတစဖက် လုပ်ကြတာ လူ့သမိုင်း ပေါ်လာကတည်းကပါပဲ။
အရေးအကြီးဆုံးက နိုင်ငံရေးလှည့်ကွက်ကို နားလည်ပြီး၊ သတိရှိကြဖို့ပါ။ ကြိုတင်ပြင်ဆင်ထားဖို့ပါ။
ဒေါ်စုရဲ့ ကြီးမားတဲ့ စွန့်လွှတ်ချက်တွေကို ကျနော် အလေးမပြုဘဲ မနေနိုင်ပါ။
ဒေါ်စုရဲ့ တိုင်းပြည်အပေါ် စေတနာကို မလေးစားဘဲ မနေနိုင်ပါ။
ဗိုလ်ချုပ်အောင်ဆန်းကဲ့သို့ တိုင်းပြည်တာဝန်ကို ပခုံးပေါ်တင်ပြီး သတ္တိရှိရှိ ဦးဆောင်ရဲတာကို အသိအမှတ်ပြု ဦးညွှတ်ရပါမယ်။ ဒါကြောင့် ဒေါ်စုကို ကျနော် အမြဲတမ်း ထောက်ခံခဲ့ပါတယ်။ ဒါကြောင့်လည်း ဒေါ်စုနောက်က တသံတည်း ထွက်ကြဖို့ တောင်းဆိုနေတာပါ။
အာဏာကိုင်ထားတဲ့ (နအဖ) စစ်ဗိုလ်တွေနဲ့ ဉာဏ်ကစားကြရာမှာ အသိဉာဏ်တခုထဲ အားကိုး၍ မရပါ။ (အင်အား) လိုပါတယ်။
အာဏာ ယစ်မူးနေကြတဲ့ စစ်ဗိုလ်ချုပ်တွေက လူ (၅) သိန်းရှိတဲ့ စစ်တပ်ကို (အား) ယူထားပါတယ်။ တရုတ်နဲ့ ဗမာကွန်မြူနစ်တွေရဲ့ ဘုရားသခင်ဖြစ်တဲ့ မော်စီတုံး ဟောကြားခဲ့တဲ့ အာဏာဟာ သေနတ်ပြောင်းဝက လာတယ်ဆိုတဲ့ ဟောကြားချက်ကို နှလုံးသွင်း ခံယူထားပါတယ်။ ပေါက်ဖော် တရုတ်ကြီးကို ရှိခိုးဂါဝရပြုပြီး တရုတ်ကြီးရဲ့ အရိပ်ကို ခိုလှုံလျှက် ရှိတယ်။
ဒေါ်စုရဲ့ အင်အား၊ ကျနော်တို့အားလုံးရဲ့ အင်အားဟာ ဘာလဲ?
မှန်ကန်သော ယုံကြည်မှု၊ စေတနာနဲ့ သန်း (၅၀) သော ပြည်သူတွေပဲ ဖြစ်တယ်။ ဒါပေမယ့် သန်း (၅၀) ရှိသော ပြည်သူကို ဘာကြောင့် (၅) သိန်းသာရှိတဲ့ စစ်တပ်က ဖိနှိပ်နိုင်တာလဲ? နိုင်ငံရေးမှာ disorganized majority လို့ဆိုတဲ့ စုစည်းမှုနဲ့ ဖွဲ့စည်းမှု မရှိတဲ့ (လူများစု) ကို၊ Organized minority လို့ခေါ်တဲ့ စုစည်းမှုနဲ့ ဖွဲ့စည်းမှုရှိတဲ့ လူနည်းစုက ဗိုလ်ကျအနိုင်ကျင့် တတ်ပါတယ်။ စစ်တပ်မှာ ဖွဲ့စည်းမှုရှိတယ်။ စည်းကမ်းရှိတယ်။ စစ်တပ်တိုင်းမှာ တသွေး၊ တသံ၊ တမိန့်ဆိုတဲ့ အမိန့်နာခံ ရတဲ့ ၀န်ထမ်းရှိတယ်။ ဂရစ် စပါတာ Sparta ခေတ်ကတည်းက စစ်တပ်ဆိုတာ unit နဲ့ တိုက်တယ်။ ဒါကြောင့် (၅) သိန်း သာ ရှိတဲ့ စစ်တပ်က unit အနေနဲ့ ရပ်တည်နိုင်တယ်။ ပစ်ဆိုရင် မိုက်မိုက်ကန်းကန်း သံဃာတော်တွေပါ မရှောင် ပစ်တာပါ။
ပြည်သူဆိုတာ သန်း (၅၀) ဆိုပေမယ့် ဖွဲ့စည်းမှု မရှိဘူး။ တဖက်က စစ်တပ်က ဖွဲ့စည်းမှုမရှိအောင် ဖိနှိပ်ချုပ်ချယ်ထားသလို တဖက်ကလည်း ညီညွတ်မှ အင်အားဖြစ်မယ်ဆိုတဲ့ (အသိ) ကို မဖော်ထုတ်နိုင်ကြဘူး။ ဒီ့အပြင် လူမျိုးရေးစိတ်ဓါတ်တွေနဲ့ လူမျိုးရေး တိုက်ပွဲတွေ၊ မယုံကြည်မှုတွေကို တိုင်းပြည်အကျိုးကို ကြည့်ပြီး မဖျောက်ဖျက်နိုင်ကြဘူး။ ဗမာလူမျိုးစုတခုထဲမှာ တောင် အဖွဲ့တွေကွဲပြီး အစိတ်စိတ်အမွှာမွှာ ကွဲနေကြပြန်တယ်။ ဒါကြောင့် သန်း (၅၀) ရှိပေမယ့် (အင်အား) ဆိုတာ မပြနိုင် ဖြစ်နေကြတာပါပဲ။
ကျနော်တို့ ဗမာနိုင်ငံရဲ့ ရာဇ၀င်ကို ပြောင်းနိုင်တာ အတွင်း (အင်အား) ပဲ ဖြစ်တယ်။ အပြင် (အင်အား) ကို မမျှော်ကိုးကြပါနဲ့။ နိုင်ငံတိုင်း ကိုယ့်နိုင်ငံ အကျိုးမပါဘဲ ကိုယ်ထိလက်ရောက် မပါနိုင်ပါဘူး။ သူ့ရဲ့သားကောင်း လူငယ်တွေကို ယုံကြည်မှု တခုတည်းနဲ့ မစွန့်ဝံ့ပါဘူး။ သမတဘုရှ် (Bush) ဟာ ဒီမိုကရေစီ ယုံကြည်မှုအတွက်၊ ဗမာနိုင်ငံအတွက် သက်သက်၊ အမေ ရိကန် စစ်သားလူငယ်တွေရဲ့ အသက်ကို မစွန့်ခိုင်းပါဘူး။ ဈေးမကြီးတဲ့လေနဲ့သာ ထောက်ခံ အားပေးနေတာပါ။ ဆူဒန်နိုင်ငံ၊ ဒါဖောပြည်နယ် (Durfur) လူသတ် ဖိနှိပ်မှုအတွက် တကမ္ဘာလုံးက တောင်းဆိုနေတာတောင် စစ်ကူမပေးခဲ့ပါဘူး။ ဒါကြောင့် ကိုယ့်အားကိုယ်ကိုးရုံသာ ရှိပါတယ်။
ဒေါ်စုရဲ့ ပြဿနာ
လက်ရှိ တွေ့ဆုံဆွေးနွေးရေး အခြေအနေ တကယ်ဖြစ်ခဲ့ရင် လိမ်မာပါးနပ်စွာ ကိုင်တွယ်ဖြေရှင်းဖို့ အတွေးဉာဏ် (capacity) နဲ့ အရည်အချင်း ဒေါ်စုမှာ ရှိတယ်လို့ ကျနော်လုံးဝ ယုံကြည်ထားတယ်။ (နအဖ) ဘက်က ဉာဏ်နီဉာဏ်နက်တွေ သုံးပြီး အမျိုးမျိုး လှည့်စားလိမ့်မယ်လို့လည်း မျှော်လင့်ထားရပါမယ်။
တွေ့ဆုံဆွေးနွေးရေး ဖြစ်ခဲ့ရင် အချိန်အတိုင်းအတာ တခုအတွင်း တိုးတက်မှု ရှိဖို့လိုအပ်ပါတယ်။ မျှော်လင့်ချက်ပေးပြီး သက်သက် အချိန်ဆွဲ ကစားတာမျိုး မဖြစ်သင့်ပါ။ သို့သော် ဖြစ်ခဲ့ရင် Plan B လို့ခေါ်တဲ့ နောက်ချန်ကွက် တကွက်ကို နိုင်ငံရေးအရ အသင့်ရှိနေရပါမယ်။ နိုင်ငံရေးမှာ ဆိုစကားတခု ရှိပါတယ်။ Prepare to fight while you talk and prepare to talk while you fight ပါတဲ့။ ဆွေးနွေးချိန်မှာ တိုက်ပွဲအတွက် ပြင်ထားပါ။ တိုက်ပွဲဝင်ချိန်မှာ ဆွေးနွေးဖို့ ပြင်ထားပါတဲ့။
ကျနော့်ရဲ့ ပုဂ္ဂိုလ်ရေး ယုံကြည်ချက်ကတော့ ပေးရင်ပေး၊ မပေးရင်တိုက်ယူ၊ နောက်တချီ လူထုဆန္ဒအားနဲ့ အပြီးသတ် တိုက်ယူရပါမယ်။
ဗိုလ်ချုပ်အောင်ဆန်းနဲ့ လွတ်လပ်ရေးကို တိုက်ယူပေးခဲ့တဲ့ ဖဆပလ ခေါင်းဆောင်တွေရဲ့ ခံယူချက်တခုဖြစ်ခဲ့တဲ့ – ရရင်ရ မရရင်ချ- ဆိုတဲ့ ခံယူချက် (မူ) အတိုင်းပါပဲ။
အတွေးအခေါ် ပဋိပက္ခ
ဒီနေရာမှာ လက်တွေ့ကို အားသန်တဲ့ အတွေးအခေါ် Realism (or) Realpolitik နဲ့ ပညာတတ် အတွေးအခေါ်လို့ ခေါ်ရမယ့် Intellectual thinking based idealism တို့ရဲ့ အတွေးအခေါ် ပဋိပက္ခ ရှိလာပါတယ်။ ဒီမိုကရေစီကို နှစ်ပေါင်းရာချီပြီး ကျင့်နေခဲ့တဲ့ အမေရိကန်နဲ့ အင်္ဂလန်နိုင်ငံတို့ကို အခြေပြုတဲ့ ကောလိပ် ကျောင်းကြီးတွေဖြစ်တဲ့ ဟားဗတ် (Harvrad) တို့လို၊ အောက်စဖို့ဒ် (Oxford) တို့လို ကောလိပ်ကျောင်းတွေမှာ Idealism လို့ ခေါ်ရမယ့် ခေတ်မီ တွေးခေါ်မှုတွေကို အခြေခံတဲ့ အတွေးအခေါ်အရ အကြမ်းဖက်မှု၊ သတ်ဖြတ်ရက်စက်မှု မပါတဲ့၊ သွေးမြေမကျတဲ့ Non-violent အတွေးအခေါ်တွေဟာ ကြီးစိုး လွှမ်းမိုးလေ့ရှိတယ်။ ဒါကြောင့် Harvard ကအောင်လာတဲ့ ဗမာလူငယ်တစု ဆိုရင် ပညာတတ်အတွေးလို့ ဆိုနိုင်တဲ့ compromise တို့၊ dialogue တို့ကို ရှေ့တန်းတင် ဆွေးနွေးလာကြတယ် မဟုတ်ပါလား? ပညာတတ်အမြင်နဲ့ ကြည့်ရင် နားလည်နိုင်ပါတယ်။ လူ့အခွင့်အရေး Human rights ကို ရှေ့တန်းတင်ထားတဲ့ ယနေ့လို (၂၁) ရာစုမှာ ဘာကြောင့် သွေးထွက်သံယိုမှုကို စိတ်ကူး ဦးစားပေးရမှာလဲ?
ဒါပေမယ့် ကမ္ဘာကြီးမှာ တတန်းထဲ ညီမျှမှု မရှိတဲ့အတွက် နိုင်ငံတိုင်းမှာ လူ့အခွင့်အရေးကို ဦးစားပေးခြင်း၊ တရားဥပဒေ စိုးမိုးရေးဆိုတဲ့ Rule of law ဆိုတာ မရှိသေးပါဘူး။ ဒါကြောင့် လူ့အခွင့်အရေးကို အလေးမပေးတဲ့၊ စစ်ဘီလူးစိတ်ဝင်နေတဲ့ အာဏာကို စွဲမက်နေတဲ့ (နအဖ) ဗိုလ်ချုပ်တွေကို စာအုပ်ကြီးဖွင့်ပြီး ရှင်းပြ ဆွေးနွေးလို့တဖုံ၊ ဗုဒ္ဓတရားတော်တွေ ဖွင့်ပြီး ဆွေးနွေးလို့ ရနိုင်ပါ့မလား? ဆိုတဲ့ ပြဿနာ ပေါ်လာပါတယ်။ မရရင် နောက်တကွက် ဘာလုပ်မလဲ ဆိုတာကို စဉ်းစားစရာ ဖြစ်လာပါတယ်။
နိုင်ငံရေးမှာ (အာဏာ) ပါလာတဲ့အတွက် နိုင်ငံရေးဟာ အလွန် အန္တရာယ်ကြီးပါတယ်။ အန္တရာယ်နဲ့အတူ စွန့်လွှတ်မှုတွေ ပါလာတယ်။ (အင်အား) ပြိုင်တဲ့နေရာမှာ ရင်ဆိုင် တိုက်ခိုက်မှု (confrontation) ကို ရှောင်၍ မရပါ။
(နအဖ) က မည်သို့ပင် စွပ်စွဲစေကာမူ ကျနော့အမြင်အရ ဒေါ်စုဟာ သွေးထွက်သံယိုမှုကို အားမပေးခဲ့ပါ။ ၎င်း၏ ယုံကြည်ချက် ဖြစ်သည့် non-violence အပေါ် အစဉ် ရပ်တည်ခဲ့သည့်အပြင် မိခင်စိတ် ကြီးမားသည့်အတွက် လူငယ် လူရွယ်လေးတွေရဲ့ အသက်ကိုစွန့်ခိုင်းရန် မခိုင်းရက်ဟု မြင်မိပါသည်။
သို့သော် ဆွေးနွေးပွဲ မဖြစ်လျှင်သော်လည်းကောင်း၊ ပျက်ခဲ့လျှင်သော်လည်းကောင်း၊ Plan B နောက်ချန်ကွက် အနေနှင့် လူထုအားနှင့် ထိပ်တိုက်ရင်ဆိုင် တိုက်ခိုက်ရေး confrontational people upraising ကို အားမပေးခဲ့၍ နအဖဘက်က လုပ်နိုင်ခြေအား များခဲ့ပါသည်။ ဒေါ်စုသာ သေမထူး၊ နေမထူး ထချကြလော့ ဟု တခွန်းဟခဲ့လျှင် နအဖ မတုန်လှုပ်စရာ မရှိပါ။ ဒေါ်စု၏ မိခင်စိတ်၊ စိတ် ကောင်းရှိမှုကို သိသိကြီးနှင့် အသာယူခဲ့သည်ကို မခံချင်စိတ် ပြင်းထန်စွာ ခံစားမိပါသည်။
ဒေါ်စု၏ ခံယူချက်နှင့် မိခင်စိတ်ကို နားလည်မိပါသည်။
အကြမ်းဖက်နည်းကို သုံးမည်လော၊ ရှောင်မည်လော ဆိုသည်မှာ ဗိုလ်ချုပ်အောင်ဆန်းတို့ ခေတ်ကတည်းက ကြုံလာခဲ့ကြရပါသည်။ ဦးသိန်းဖေမြင့် ရေးတဲ့ (ကျော်ငြိမ်း) စာအုပ်မှာ ဖော်ပြခဲ့ဖူးပါတယ်။ မျိုးချစ်စိတ်ပြင်းတဲ့ ကိုအောင်ဆန်း၊ ကိုနု၊ ကို သိန်းဖေမြင့်၊ ကိုကျော်ငြိမ်း၊ ကိုအုန်းတို့ဟာ (“ဃ”) ဆိုတဲ့ အဖွဲ့ကလေး ဖွဲ့ခဲ့ကြတယ်။ ညအမှောင်ထဲမှာ ဆွေးနွေးကြစဉ်က ဒီ ပြဿနာတွေကို ဆွေးနွေးခဲ့ကြတယ်။ ကိုနုက ဘာသာရေး ကိုင်းရှိုင်းတာကြောင့် အကြမ်းဖက်နည်းကို ကိုယ်တိုင်ကျင့်သုံးဖို့ မလိုလားဘူး။ ဒါကြောင့် ဖဆပလ ဖွဲ့စဉ်ကလည်းကောင်း၊ UG ဖွဲ့ကြစဉ်ကလည်းကောင်း မပါဝင်ခဲ့ကြဘူး။ ဒါပေမယ့် မတားမြစ်ခဲ့ဘူး။
ဒေါ်စုဟာလည်း သူရဲ့ခံယူချက်ဟာ အကြမ်းမဖက်တဲ့နည်း non-violence အပေါ် ရပ်တည်နေတဲ့အတွက် တွေ့ဆုံ ဆွေးနွေးရေးကိုပဲ တောင်းဆိုခဲ့ပေမယ့်၊ တခြားခံယူချက်များကို မဟန့်တားခဲ့ပါ။
ထို့ကြောင့် ကျနော်၏ အမြင်ကို ရဲရဲတင်ပြရပါလျှင် Plan B ကို ကျန်တဲ့သူတွေက ဖော်ဆောင်နိုင်အောင် ပြင်ဆင်ထားမှ နိုင်ငံအတွက် ဆွေးနွေးရမယ့် ဒေါ်စုမှာ (အင်အား) ပိုရှိပါမယ်။
မိုးမပြို – ပြိုခဲ့သည်ရှိသော်ဟူသော အတွေးနှင့် ဒေါ်စု၏ တောင်းဆိုချက်များ၊ ဆွေးနွေးချက်များကို (နအဖ) က ညစ်ပတ် လှည့်စား၍ လက်မခံ ရှောင်တိမ်းခဲ့သော် လူထုအင်အားပြရန် အသင့်ပြင်ထားရမည်မှာ ကျနော်တို့ အားလုံး၏ တာဝန် ဖြစ်ပေသည်။
ဖဆပလ လွတ်လပ်ရေး တောင်းစဉ်က၊ ဗိုလ်ချုပ်အောင်ဆန်းကို လေးလေးနက်နက် လေ့လာလျှင် ဗိုလ်ချုပ်တို့ဟာ ရရင်ရ- မရရင်ချ ဆိုတဲ့မူကို ရှေ့က ဗန်းပြထားပေမယ့် မချဘဲနဲ့ (အင်အား) ပြပြီး လွတ်လပ်ရေး တောင်းဆိုရေးမှုကို သုံးခဲ့ကြတယ်။ သူ့ခေတ် သူ့အခါက နေမ၀င် အင်ပါယာကြီးကို တည်ထောင်ခဲ့တဲ့ အင်္ဂလိပ်ကို အံတုရတာ မလွယ်ခဲ့ပါ။ ဗိုလ်ချုပ်ဟာ ကွန်မြူနစ်၊ ဆိုရှယ်လစ်နဲ့ တပ်မတော်ကို အားယူပြီး ဖဆပလ အဖွဲ့ကြီးကို တည်ဆောက်ခဲ့တယ်။ ပြီး ကရင်လူငယ်စတဲ့ အဖွဲ့ အစည်း ပေါင်းစုံ၊ ဘကြီးဘဖေကဲ့သို့ လက်ျာသမားတွေအပြင် ဦးနုကဲ့သို့ တသီးပုဂ္ဂလ နိုင်ငံရေး ခေါင်းဆောင်တွေကို သိမ်းသွင်းပြီး ဖဆပလကြီးကို အားဖြည့်ခဲ့ပြီး လူထုရဲ့ ထောက်ခံမှုကို အရယူခဲ့တယ်။ နေသူရိန် အစည်းအဝေးကြီးလို လူထု အစည်းအဝေးတွေ ခေါ်ပြီး ဖဆပလရဲ့ (အင်အား) ကို ပြခဲ့တယ်။ အင်္ဂလိပ် အစိုးရက ရုပ်ပြနေရာပေးပြီး ပါဝင်ဖို့ ကမ်းလှမ်းလာတော့ ငြင်းဆိုခဲ့တယ်။ ဖဆပလရဲ့ အင်အားကိုပြပြီး အင်္ဂလိပ်က လေးလေးစားစား ကမ်းလှမ်းလာမှ၊ တန်းတူ အစိုးရ အဖွဲ့ထဲ ၀င်ခွင့်ရမှ ၀င်ခဲ့တယ်။
ဘာကြောင့် အင်္ဂလိပ်က ကမ်းလှမ်းလာရတာလဲ?
ဒုတိယ ကမ္ဘာစစ်ကြီးအပြီးမှာ အင်္ဂလိပ်က စစ်ပန်းလျက် ရှိတယ်။ ချာချယ်ပြုတ်ပြီး အက်တလီ တက်လာတယ်။ အစိုးရ အပြောင်းအလဲ ဖြစ်တယ်။ တခါ ဗိုလ်ချုပ်အောင်ဆန်း ဦးဆောင်တဲ့ ဖဆပလ အဖွဲ့ကြီးနောက်မှာ ပြည်သူတွေ တခဲနက်ရှိ တယ်ဆိုတာ ထင်ရှားတယ်။ ဖဆပလနောက်မှာ တော်လှန်မှုဖြစ်က တော်လှန်နိုင်တဲ့ စစ်တပ်ရှိတယ်။ စစ်မှုထမ်းဟောင်း တွေဖြစ်တဲ့ (ပြည်သူ့ရဲဘော်) အဖွဲ့တွေ ရှိတယ်။ စစ်အပြီးမို့ လက်နက်ကလည်း မရှားလှပါ။ ဒါတွေအားလုံးဟာ ဗိုလ်ချုပ် အောင်ဆန်းနဲ့ ဖဆပလ အဖွဲ့ကြီးရဲ့ အင်အားတွေ ဖြစ်တယ်။ ဒါကြောင့် လွတ်လပ်ရေးကို တနှစ်အတွင်းပေးဆိုပြီးရင်ကော့ ပြီး တောင်းနိုင်ခဲ့ကြတာပါ။
ဒါက သူ့အချိန်နဲ့ သူ့အခြေအနေ
ယနေ့ အခြေအနေကို ကြည့်ရအောင်..
ဒေါ်စု သူ့ရဲ့ဖခင် ဗိုလ်ချုပ်အောင်ဆန်းလိုပဲ တိုင်းပြည်တာဝန်ကို ပခုံးပေါ်တင်ပြီး ကိုယ်ကျိုးစွန့်ကာ အာဏာရှင် စစ်အုပ်စုကို သတ္တိရှိရှိ ရဲရဲကြီး ရင်ဆိုင်ခဲ့တယ်။ ပြည်သူက တခဲနက် ထောက်ခံ အားပေးခဲ့ကြတယ်။ ကမ္ဘာက လေးစားထောက်ခံလာကြရတယ်။
ဗိုလ်ချုပ် အနောက်မှာ ဖဆပလ အဖွဲ့ကြီး ရှိရုံမက အားကိုးရတဲ့ ထိပ်တန်း ခေါင်းဆောင်တွေ ရှိတယ်။ ဗိုလ်ချုပ်ကို အသိဉာဉ် (Capacity) နဲ့ အရည်အချင်းပြည့်တဲ့ မျိုးချစ်ခေါင်းဆောင်တွေက ၀ိုင်းရံထားတယ်။
ဒေါ်စုနောက်မှာ NLD ဆိုတာ ရှိပေမယ့် အားကိုးရမယ့် ဗိုလ်ချုပ်တင်ဦးနဲ့ ဦးဝင်းတင်တို့လို ပုဂ္ဂိုလ်တွေကို ဒေါ်စုနည်းတူ ဖမ်းဆီးထားတယ်။ တိုင်းပြည် အပြင်ဘက်ကို ရောက်နေတဲ့ ဗမာ နိုင်ငံသား အားလုံးကို စုစည်းပြီး အင်အား တည်ဆောက်ကာ အပြင်အားနဲ့ အတွင်းမှာ အင်အား တည်ဆောက်ရမယ့်အစား နိုင်ငံရေး နကန်းတလုံးမှ နားမလည်တဲ့ လူက ဦးဆောင်တဲ့ အစိုးရ အဖွဲ့ဟာ ဒေါ်စုနာမည် အလွဲသုံးစားလုပ်ပြီး နိုင်ငံရေး လုပ်စားနေကြတာကြောင့် အခွင့်အရေးတွေ ဆုံးရှုံးကာ ပြည်တွင်းမှာ နိုင်ငံရေး အဆောက်အအုံ မတည်ဆောက်နိုင်ကြပါ။
(နိုင်ငံရေးမှာ တည်ဆောက်မှုဆိုတာ ရေရှည်ကို ကြိုကြည့်တတ်ပြီး အချိန်ယူ တည်ဆောက်ရပါတယ်။ မီးခလုတ်လို လိုအပ်မှ အဖွင့် အပိတ်လုပ်၍ မရပါ။ ၂၀၀၃ ခုနှစ် ကတည်းက ပြည်တွင်း UG လိုအပ်တယ်ဆိုတာ ကျနော် မဇ္ဈိမမှာ ရေးသားခဲ့ပါတယ်။)
ဒေါ်စုခမျာ နောက်လှည့်ကြည့်လျှင် ရဲရဲကြီး အားကိုးနိုင်လောက်တဲ့ လူမရှိပါ။
အားလုံးက ဒေါ်စုကို စောင့်နေကြပါသတဲ့…
ဒေါ်စုအတွက် ရင်နာမိပါတယ်။
ဒါကြောင့် ဒေါ်စုကို စစ်ဗိုလ်လူမိုက်တစု ဗိုလ်ကျ စော်ကားလာရင် (အင်အားပြဖို့၊ လူထုအုံကြွမှုကို ဖော်ဆောင်နိုင်ဖို့၊ နိုင်ငံရေး အဆောက်အအုံ လိုအပ်ပါတယ်။ ဒီနိုင်ငံရေး အဆောက်အအုံ (political infrastructure) ကို ကျနော်တို့ အားလုံး (၀ိုင်း) တည်ဆောက်ရပါမယ်။
ဒါဟာ ကျနော်တို့အားလုံးရဲ့ တာဝန်ဖြစ်ပေသည်။
ဆက်ရန်-
နိုင်ငံရေးအဆောက်အအုံကို စစ်အာဏာရှင် လက်အောက်မှာ ဘယ်လိုတည်ဆောက်နိုင်မှာလဲ?
(မှတ်ချက်။ ။. ကျနော်၏တင်ပြချက်ကို နားလည် သဘောပေါက်သူ ရှိသလို၊ နားမလည် လက်မခံသူများလည်း ရှိမှာပါ။ အပြင်မှာနေပြီး ကြီးမကျယ်ပါနဲ့ ဆိုသူများ ရှိမှာဧကန်ပါ။ ဝေဖန်နိုင်ပါသည်။ အထူးသဖြင့် ဒီမိုကရေစီကို ယုံလျှင် ဝေဖန်မှု ကို ခရီးဦးကြို ပြုရမှာပါ။ စေတနာနှင့် ဝေဖန်လာလျှင် စဉ်းစားရပါမည်။ စော်ကားလာသူရှိလျှင် စော်ကားလာသူကိုသာ သနားရုံ ရှိပါသည်။ နိုင်ငံရေးမှာ မိမိယုံကြည်မှုကို ရဲရဲတင်ပြနိုင်ခွင့် ရှိရပါမည်။
ကျနော် တက္ကသိုလ်အောင်တဲ့နှစ် (၁၉၇၄) မှာ ကျောင်းက အောင်အောင်ချင်း ဦးသန့် အရေးအခင်းမှာ ပါဝင် ဦးဆောင်ခဲ့ပါတယ်။ ဘယ်အရေးအခင်းမဆို အန္တရာယ်နှင့် မကင်းခဲ့ပါ။ အကောင်းဆုံး အရွယ်မှာ ထောင်ထဲမှာ (၅) နှစ် ဒုက္ခစရိယ ကျင့်ကြံခဲ့ရပါတယ်။ ခေတ်အလိုက် ပေးဆပ်ခဲ့ပါတယ်။ တာဝန် မလစ်ဟင်းခဲ့ပါ။ ကျနော်ရဲ့အတွေး၊ ကျနော့်အရေးကို ယုံကြည်၍သာ ရေးခဲ့ခြင်း ဖြစ်ပါသည်။)
December 5, 2007
Posted by maricopa2007 |
from other sites |
Leave a comment
| view original page at mizzima internet news
မျိုးကြီး |
| Monday, 03 December 2007 18:44 – မြန်မာစံတော်ချိန် |
| အတိုက်အခံ အင်အားစုများ အနေဖြင့် တပ်ပေါင်းစုတခု ဖွဲ့စည်းကာ စစ်အာဏာရှင်စနစ် တိုက်ဖျက်ရေး တိုက်ပွဲကို ဆင်နွှဲ ကြစေလိုကြောင်း မြန်မာ့လွတ်လပ်ရေး ကြိုးပမ်းမှုသမိုင်းတွင် အထင်ကရ ပုဂ္ဂိုလ်ကြီးဖြစ်သူ ရဲဘော်သုံးကျိပ်ဝင် ဗိုလ်မှူးချုပ် (ဟောင်း) ကျော်ဇောက ယနေ့ တိုက်တွန်းလိုက်သည်။
အင်္ဂလိပ် ကိုလိုနီ နယ်ချဲ့ကို အမျိုးသားခေါင်းဆောင် ဗိုလ်ချုပ်အောင်ဆန်းနှင့်အတူ လက်တွဲ တိုက်ပွဲဝင်ခဲ့သော ရဲဘော်သုံးကျိပ်ဝင် ဗိုလ်မှူးချုပ်(ဟောင်း) ကျော်ဇောသည် ယနေ့ ကျရောက်သော သူ၏ ၈၈ နှစ်မြောက် မွေးနေ့အခါ သမယတွင် အတိုက်အခံ နိုင်ငံရေး အဖွဲ့အစည်းများ၊ လူမျိုးစု ခေါင်းဆောင်များ အနေဖြင့် အမြော်အမြင်ရှိစွာဖြင့် တပ်ပေါင်းစုတခု ဖွဲ့စည်းစေလိုသည်ဟု ပန်ကြားလွှာတရပ် ထုတ်ပြန်ကာ ပြောဆို တိုက်တွန်းလိုက်သည်။
ပန်ကြားလွှာထဲ၌ “နအဖ စစ်အာဏာရှင် စနစ်အောက်မှ လွတ်မြောက်ရေးအတွက် ပြည်သူလူထု၏ တဗိုလ်ကျ တဗိုလ်တက် စနစ်ဖြင့် ဇွဲနဘဲကြီးစွာ တိုက်ပွဲဝင်နေမှုအပေါ် ဂုဏ်ယူမိကြောင်းနှင့် နအဖ စစ်တပ်အတွက်လည်း သမိုင်းတလျှောက်လုံး အာဏာ တည်မြဲရေးအတွက် ပြည်သူလူထု အသက်ပေါင်း များစွာကို သတ်ဖြတ်ခဲ့သည့်အတွက် သမိုင်းအမှိုက်တောင်းထဲ စွန့်ပစ်ခံရမှာ ဖြစ်ကြောင်း” ရေးသားထားသည်။
ကိုလိုနီနယ်ချဲ့ကို တိုက်ပွဲဝင်ရန် ဂျပန်နိုင်ငံတွင် လွတ်လပ်ရေး ဗိသုကာ ဗိုလ်ချုပ် အောင်ဆန်းနှင့်အတူ စစ်ပညာ သင်ကြားကာ လက်နက်ကိုင် တော်လှန်ရေး ဆင်နွှဲရေးအတွက် ဗမာ့ လွတ်လပ်ရေး တပ်မတော် (ဘီအိုင်အေ) ကို ဦးဆောင်ပါဝင် ဖွဲ့စည်းခဲ့သူ ဗိုလ်မှူးချုပ်(ဟောင်း) ကျော်ဇောသည် ဖက်ဆစ်ဂျပန် တော်လှန်ရေးတွင် ဆက်လက်ပါဝင်ကာ လွတ်လပ်ရေး ရပြီးနောက် ရောင်စုံသူပုန်နှင့် တရုတ်ဖြူ ကျူးကျော်စစ်များကို တိုက်ခိုက်ရာတွင် တပ်မတော်ကို ဦးဆောင်ခဲ့သူ ဖြစ်သည်။
ဝန်ကြီးချုပ်ဟောင်း ဦးနု၏ ဖဆပလ အစိုးရမှ သူ့ကို ၁၉၅၇ ခုနှစ်တွင် တပ်မတော်မှ အငြိမ်းစားပေးခဲ့ပြီး၊ ၁၉၈၉ ခုနှစ်တွင် တရုတ်နိုင်ငံထဲသို့ ဝင်ရောက်လာချိန်၌ ဗမာပြည် ကွန်မြူနစ်ပါတီ (ဗကပ) တွင် ဗဟိုကော်မတီဝင်နှင့် ဒုစစ်ဦးစီးချုပ် တာဝန်များကို ထမ်းဆောင်နေခဲ့သူ ဖြစ်သည်။ ဗကပ သည် ၁၉၉ဝ ခုနှစ်မှ စတင်ကာ ဒီမိုကရေစီ အရေးတော်ပုံကြီး၌ မြေအောက်ပါတီအဖြစ် ရပ်တည်နေသော အဖွဲ့ဖြစ်သည်။
သားဖြစ်သူ ဦးအောင်ကျော်ဇောက “ဂုဏ်ယူစရာကောင်းတဲ့ အဖေတယောက်လို့ပဲ မြင်ပါတယ်။ လူမှန်းသိတတ်စ အရွယ်ကနေ အခု အသက် ၈၈ နှစ် ရောက်တဲ့အရွယ်အထိ ဖြတ်သန်းခဲ့တဲ့ အချိန်မှာ နိုင်ငံရေး အတက်အကျတွေ၊ စွန့်လွှတ်မှု၊ အနစ်နာခံမှုတွေ အများကြီးပေးပြီး ဖြတ်သန်းခဲ့ရပါတယ်။ ကျနော့်အဖေကို ဗမာပြည် ကွန်မြူနစ်ပါတီဝင် တယောက် ဆိုတာထက် မျိုးချစ်စိတ်ရှိတဲ့ တပ်မှူးကောင်း တယောက်လို့ မြင်ပါတယ်” ဟု ပြောသည်။
ယနေ့ နံနက်ပိုင်းတွင် ဦးအောင်ကျော်ဇော၏ ဦးဆောင်မှုဖြင့် မွေးနေ့မင်္ဂလာ ဆွမ်းကျွေးပွဲကို တရုတ်-မြန်မာ နယ်စပ်ရှိ ကြယ်ဂေါင်မြို့မှ ဘုန်းကြီးကျောင်း တခုတွင် ကျင်းပခဲ့ရာ နိုင်ငံရေး အသိုင်းအဝိုင်းမှ လုပ်ဖေါ်ကိုင်ဘက် ဦးရေ ၂ဝ ခန့် တက်ရောက်ခဲ့ကြောင်း သိရသည်။
“ယခုကာလသည် နိုင်ငံတကာ၏ ထောက်ခံမှုကို မကြုံစဖူး ရရှိနေချိန်ဖြစ်ပြီး ပြည်သူလူထု၏ စိတ်ဓာတ်ရေးရာ အမြင့်မား၊ အတက်ကြွဆုံးအချိန် ဖြစ်သောကြောင့် နိုင်ငံရေး ခေါင်းဆောင်များ၊ လူမျိုးစု ခေါင်းဆောင်များ အနေဖြင့် စည်းလုံးညီညွတ်မှု ရရှိစေရန် ကြိုးပမ်းကြပါ” ဟု ဗိုလ်မှူးချုပ်(ဟောင်း) ကျော်ဇောက ပန်ကြားလွှာထဲတွင် တိုက်တွန်းခဲ့သေးသည်။ |
December 4, 2007
Posted by maricopa2007 |
from other sites |
Leave a comment
သီတဂူဆရာတော် အရှင်ဉာဏိဿရ ၏ လူမိုက်တို့သွားရာလမ်း တရားတော်အကြောင်းဆောင်းပါး
၁၃၆၉ခုနှစ် သီတင်းကျွတ်လဆန်း ၂ ရက် (၂၀၀၇ ခုနှစ်၊ စက်တင်ဘာလ ၂၃ ရက် စနေနေ့) နေ့တွင် မြင်းခြံမြို့၌ သီတဂူဆရာတော် ရှင်ဉာဏိဿရ ဟောကြားတော်မူခဲ့သည့် ဗွီစီဒီ ၂ ချပ်တွဲကို ဖြန့်ချိခြင်း၊ ရောင်းခြင်း၊ ငှားရမ်းခြင်းမပြုလုပ်ရန် သက်ဆိုင်ရာအာဏာပိုင်ဟုဆိုအပ်သော သူတို့က တားမြစ်လိုက်၏ ။ သို့ရာတွင် ဘာကြောင့် ဤမျှကောင်းမွန်သော တရားတော်ကို တားမြစ်လိုက်သည်ကို ကျနော်မသိပါ၊ ကျနော်ဉာဏ်မမှီ၍ဟုပင် ကိုယ့်ကိုယ်ကို ဆင်ခြင်မိပါသည်။
သို့သော် တားမြစ်လိုက်သည် ထုတ်ဝေခွင့်မပြု ဖြန့်ချိခြင်းမလုပ်ရ ဟု တားမြစ်သော အရာအားလုံးကို ကျနော်တို့ မြန်မာနိုင်ငံသားများသာမက နိုင်ငံတကာမှလူသားများကပါ ပိုမို၍စိတ်ဝင်စားကြ၏၊
လူ့သဘောသဘာဝပင်ဖြစ်ပေလိမ့်မည်။ မကြည့်နဲ့ဆိုသည်ကိုမှကြည့်ချင်ကြပေသကိုး၊ ထိုအခါ အရှင် ဉာဏိဿရ၏ တရားတော် VCD ၂ချပ်သည် တိုးတိုးတမျိုး တိတ်တိတ်တဖုံဖြင့် မြန်မာပြည်သူလူထု၏လက်ဝယ်သို့ပုန်းလျှိုးကွယ်လျှိုးရောက်ကြလေကုန်သတည်း။
သူတော်ကောင်းတွေက ကောင်းမှုကိုလုပ်တယ် သူတော်ကောင်းတွေမှသာ ကောင်းမှုကိုလုပ်ဖိ်ု့လွယ်တယ်၊
လူမိုက်တွေကတော့ မကောင်းမှုကိုသာလုပ်တယ် လူမိုက်တွေဟာမကောင်းတဲ့အမှုကိုလုပ်ဖို့ လွယ်ကူတယ်၊
သူတော်ကောင်းတွေ လွယ်လွယ်နဲ့လုပ်တဲ့အလုပ်ကို လူမိုက်တွေက လိုက်လုပ်ဖို့ မလွယ်ဘူး၊
လူမိုက်တွေ လွယ်လွယ်နဲ့လုပ်တဲ့အလုပ်ကိုလဲ သူတော်ကောင်းတွေက လိုက်လုပ်ဖို့မလွယ်ဘူး။
သီတဂူဆရာတော်က ထိုနေ့မြင်းခြံမြို့အထူးတရားပွဲတွင် အထက်ပါ အချက်လေးချက်ကိုအဓိကထားကာ ယနေ့ မြန်မာနိုင်ငံတွင် အုပ်ချုပ်နေကြသော စစ်အာဏာရှင်တို့အား ပညာသားပါပါ သတိပေးသွားခဲ့သည်ကိုတွေ့ရသည်။
ပထမဦးစွာ ဂေါတမမြတ်စွာဘုရားအလောင်းတော် သိဒ္ဓတ္ထမင်းသားနှင့် သိဒ္ဓတ္ထမင်းသား၏ယောက်ဖတော်သူ ဒေ၀ဟတ္ထ ခေါ် ဒေ၀ဒတ်တို့အကြောင်းတွင် ဒေ၀ဒတ်၏ ရာထူးအာဏာငန်းငန်းတက်လောဘကြီးမှု ထင်ပေါ်ကျော်စောလိုမှုတို့ကြောင့် မြတ်စွာဘုရားရှင်အားမည်သို့ဆက်ဆံခဲ့ပုံ နှင့် ဘုရားရှင်ထံပါးမှ သံဃာတော်တို့အားဂိုဏ်းခွဲထုတ်ခဲ့ပုံ၊
ဆက်လက်၍ဘုရားအလောင်း သိဒ္ဓတ္ထမင်းသား၏ယောက္ခမတော်သူ ကြင်ယာတော် ယသော်ဓရာ နှင့် ဒေ၀ဒတ်တို့၏ ဖခမည်းတော် ဒေ၀ဒဟပြည့်ရှင် ဘုရင်သုဗ္ဗဗုဒ္ဓါက ဘုရားရှင်နှင့်သံဃာတော်များအား ဒေ၀ဒဟမြို့တွင်း မ၀င်နိုင်အောင် အတားအဆီးများကာရံပြီး ပိတ်ပင်တားဆီးခဲ့ပုံ နောက်ဆုံးဒေ၀ဒတ်တို့သားအဖနှစ်ဦး တနေရာစီတွင်
မြေမြိုခံရပြီးအ၀ီစိငရဲသို့ကျရောက်ရပုံ တို့ကို ဟောကြားခဲ့ပြီး သူတော်ကောင်းတွေက ကောင်းမှုလုပ်စဉ် လူမိုက်များက မကောင်းမှုကိုလွယ်လွယ်ကျူးလွန်ခဲ့ကြကြောင်း – ဆုံးမသွားခဲ့ပါသည်။
ဤနေရာတွင် သီတဂူဆရာတော်ကြီးဟောကြားခဲ့သည့်အတိုင်း ဘုရားအလောင်း သိဒ္ဓတ္ထမင်းသား၊ ဒေ၀ဟတ္ထ ခေါ် ဒေ၀ဒတ် နှင့် ဒေ၀ဒဟပြည့်ရှင် ဘုရင်သုဗ္ဗဗုဒ္ဓါ တို့ဘယ်လိုဖြစ်၍ ဘာတွေဖြစ်ကုန်ကြသည် ဆိုသည်ကို အနည်းငယ် အကျယ်ပြောမှ စာရှုသူတို့မျက်စေ့ထဲတွင်ကွက်ကွက်ကွင်းကွင်း မြင်သာနိုင်မည်ဖြစ်ပါသည်။
ဘုရားအလောင်း သိဒ္ဓတ္ထမင်းသားတောထွက်သည်ကစ၍ အထက်ကဆိုခဲ့သော ပြဿနာဖြစ်ရသည်ဟု ဆရာတော်ကြီးက ယခုလိုဟောကြားသွားခဲ့သည်ကို နာကြားခဲ့ရပါသည်။
ဘုရင်သုဗ္ဗဗုဒ္ဓါက သိဒ္ဓတ္ထမင်းသားတောထွက်ခြင်းသည် မိသားစုတာဝန်ကိုမယူလို၍ သားသမီးတာဝန်ကိုမယူလို၍ ဟု မှတ်ယူပြီးအမျက်တော်ရှနေချိန်တွင် ဒေ၀ဟတ္ထမင်းသားမှာ သိဒ္ဓတ္ထမင်းသား နောက်သို့လိုက်သွားပြီး ရဟန်းဘောင်သို့ဝင်ခဲ့သော်လည်း ရှင်သါရိပုတ္တရာ ရှင်မဟာမောဂ္ဂလန်ကိုယ်တော်တို့ထက်နောက်ကျမှ ရဟန်းဝတ်ရသဖြင့် ပထမရှင်နှစ်ပါးအား ဂေါတမမြတ်စွာဘုရားက
လက်ဝဲရံ လက်ယာရံ ရာထူးပေးပြီးဖြစ်ပါသည်။ သို့သော် ဒေ၀ဟတ္ထ ခေါ် ဒေ၀ဒတ် ၏စိတ်တွင်မူ ပုဏ္ဏားမျိုးများသာဖြစ်သော ရှင်သါရိပုတ္တရာ နှင့် ရှင်မဟာမောဂ္ဂလန်ကိုယ်တော်တို့အား ဆွေမတော်မျိုးမတော်ပါဘဲနှင့် လူထုပိရိသတ်အလယ်တွင် အရှိန်အ၀ါကြီးထွားလာပြီဖြစ်သော ဂေါတမမြတ်စွာဘုရားရှင်၏ လက်ယာရံလက်ဝဲရံ ရာထူးကိုပေးထားသည် ငါသည် ဂေါတမ၏
ယောက်ဖအရင်းခေါက်ခေါက်ကြီးဖြစ်ပါလျှက်နှင့် ဤရာထူးကိုမရ ဂေါတမကိုတော့ဖြင့်ပြောမှတော်ချေမည်ဟုတွေးလျက် ပထမဦးစွာ ဂေါတမမြတ်စွာဘုရားရှင်အား ၄၅ နှစ်လုံးလုံး အိန္ဒိယနိုင်ငံအနှံ့ တရားဟောသည်များမှာ ပင်ပန်းလှပြီဖြစ်၍ အနားယူရန်၊ ပြီးလျှင်ထိုစဉ်က သံဃာထုကြီးတစ်ရပ်လုံးအား မိမိထံလွှဲပြောင်းပေးရန် အနုနည်းဖြင့် ချဉ်းကပ်တောင်းခံခဲ့သော်လည်း ဘုရားရှင်က
ဒေ၀ဒတ်အား ကိုယ်နဲ့မတန်တာမတောင်းလေနဲ့လို့ မိန့်တော်မူလိုက်တဲ့အတွက် အမျက်ဒေါသထွက်ပြီး သည်လို အနားယူခိုင်း၍မရလျှင် အကြမ်းဘက်လုပ်ကြံအံ့ဟု စိတ်မှာတွေးကာ မြတ်စွာဘုရားရှင်အား နာဠာဂီရိဆင်ကို သေရည်တိုက်၍နင်းသတ်ခိုင်းစေခြင်း၊ ကျောက်တောင်ပေါ်မှ ကျောက်တုံးများတွန်းချခြင်း နှင့် တောင်ခြေတွင်လေးသမားတို့အားအသုံးပြုပြီး လေးမြှားတို့ဖြင့်
ပစ်သတ်ရန်ကြံစည်ခြင်း အစရှိသည့် အကြမ်းဖက်လုပ်ကြံမှု သုံးကြိမ်ကြံစည်ခဲ့သော်လည်း မအောင်မြင်ဘဲ ရှိခဲ့ပြန်ကြောင်း။
အနားယူခိုင်းသော်လည်းမရ အကြမ်းဖက်ရာမှာလည်းမအောင်မြင်ပြန်သောအခါ ဒေ၀ဒတ်သည် အနုနည်းသုံးလျှက် ဘုရားအမိန့်တစ်ရပ်အနေနှင့် အချက်ငါးချက် ဥပဒေထုတ်ပြန်ပေးပါရန် ဘုရားရှင်ထံတောင်းဆိုပြန်ရာ ဒေ၀ဒတ်တောင်းဆိုသည့် ထိုအချက်များမှာ –
သံဃာများအား ဒါယကာများမှလက်ရောက်ကပ်လှူသောဆွမ်းအစား အပြင်ထွက်ဆွမ်းခံစားကြရန်၊
လက်ရောက်လှူဒါန်းသော သင်္ကန်းကို မ၀တ်စေဘဲ ပံ့သကူသင်္ကန်းကိုသာဝတ်စေရန်၊
ဆောက်လုပ်လှူဒါန်းထားသောမြို့ရွာပေါ်မှကျောင်းတိုက်များတွင်သီတင်းမသုံးဘဲ တောကျောင်းများမှာသာသီတင်းသုံးစေရန်၊
သင်္ကန်း ၃ထည်ထက်ပို၍ထားရှိခြင်းမပြုကြစေရန် နှင့်
သက်သတ်လွတ်ဆွမ်းဟင်းများကိုသာဘုဉ်းပေးကြစေရန် တို့ ဖြစ်ပါသည်။
မြတ်စွာဘုရားရှင်က ဒေ၀ဒတ်၏ စကားများသည် သာမန်ကြည့်လျှင် နားထောင်ကောင်းလှသော်လည်း သူ၏တကယ့်အကြံအစည်မှာ ပုဏ္ဏားမျိုးများသာဖြစ်သော ရှင်သါရိပုတ္တရာ နှင့် ရှင်မဟာမောဂ္ဂလန်ကိုယ်တော်တို့အား သူ၏လက်အောက်သို့သွတ်သွင်းနိုင်ရန်တစ်ကြိမ်၊ ငါဘုရားအား လုပ်ကြံမှု သုံးခါပြုခဲ့စဉ်ကတစ်ကြိမ် ယခုလည်း ငါ့အပါးမှသံဃာတော်များသွေးကွဲစေရန်
တစ်ကြိမ်ကြံစည်နေချေပြီဟု သိမြင်ရကား ဤသို့မိန့်တော်မူခဲ့၏။
ဤ အချက်ငါးချက်ကို ငါဘုရားအနေနှင့် ဥပဒေ အမိန့်တစ်ရပ်သဖွယ် မထုတ်ပြန်နိုင်၊ ကျင့်လိုသူကျင့်၍ မကျင့်လိုသူသည်အတိုင်းထားစေ ဟု မိန့်တော်မူခဲ့ရာ ဒေ၀ဒတ်က ကောင်းပြီ ဤကောင်းသောအကျင့် ငါးချက်အား ငါနှင့်အတူကျင့်ကြံလိုသောရဟန်းများ ငါ့နောက်လိုက်ခဲ့လော့ဟုကြွေးကြော်လျှက် ရှေ့မှထွက်ရာ သံဃာအပါး ၅၀၀ ဒေ၀ဒတ်နောက်သို့လိုက်ကြလေသတည်း။
ဒေ၀ဒတ်သည် ဤကဲ့သို့ သံဃာဂိုဏ်းကွဲအောင်၊ သံဃာအချင်းချင်းသွေးကွဲအောင် ပြုလုပ်ခြင်းအပြင် စာဖတ်ပိရိသတ်သိရှိပြီးဖြစ်သည့် မကောင်းမှုမျိုးစုံကို လွယ်လွယ်လုပ်ကိုင်ခဲ့လေရာ နောက်ဆုံးအရှင်လတ်လတ်မြေမြိုခံရပြီး အ၀ီစိငရဲသို့ ကျရောက်ရလေတော့သည်။
ဒေ၀ဒတ်၏ ဖခမည်းတော် ဘုရင်သုဗ္ဗဗုဒ္ဓါသည်လည်း မြတ်စွာဘုရားရှင် ကပိလ၀တ်ပြည်မှ ဒေ၀ဒဟပြည်သို့ နောက်လိုက်ရဟန်းသံဃာတော်များနှင့် ကြွချီလာရာ ရှေးမဆွကပင် ဂေါတမမြတ်စွာဘုရားအပေါ် ကြည်ညိုသူမဟုတ်သည့်အလျှောက် မြို့ရိုးတံခါးလေးဘက်လေးတန်အားပိတ်ဆို့ကာရံစေ၍ မြတ်စွာဘုရားရှင်နှင့်သံဃာများအား မြို့တွင်းအ၀င်မခံခြင်း၊
ကြည်ညိုသောမြို့သူမြို့သားများ၏အလှူအတန်းမှကင်းဝေးစေရန် သို့မဟုတ် သံဃာတော်များ၏လာဘ်လာဘကို ပိတ်ပင်ခြင်းစသည်တို့ အပြင် အခြားသောလွယ်လွယ်ပြုလုပ်မိသည့် မကောင်းမှုများကြောင့် ဘုရားရှင်ပင် မကယ်နိုင်တော့ဘဲ အရှင်လတ်လတ်မြေမြိုခံရကာ အ၀ီစိငရဲသို့သက်ဆင်းသွားရပြန်ပါတော့သည်။
သို့ရာတွင် တကယ့်ကာယကံရှင် ယသော်ဓရာဒေ၀ီမှာကား သိဒ္ဓတ္ထမင်းသား၏ သားတော် ကိုဖွားမြင်ပြီးသော်လည်း မြတ်စွာဘုရားရှင်အား မပစ်မှားခဲ့ဘဲ တော်ထွက်သည်မှကြားသမျှအတိုင်း ဆံပယ်လျှင် သူလည်းပယ်၊ ဘုရားသစ်ခေါက်ဆိုးသင်္ကန်းဝတ်ပြီဆိုလျှင်သူလည်းလိုက်ဝတ် နှင့် သူတော်ကောင်းတို့သာလွယ်လွယ်ပြုနိုင်သော ကောင်းမှုကုသိုလ်တို့ကိုသာ
စွဲကိုင်ကျင့်ကြံအားထုတ်လုပ်ကိုင်သွားခဲ့ကြောင်း အရှင် ဉာဏိဿရ၏ လူမိုက်တို့သွားရာလမ်း တရားတော်ပထမပိုင်းကို ကျနော်ကြားနာခဲ့ရပါသည်။
သူတော်ကောင်းတွေက ကောင်းမှုကိုလုပ်တယ် သူတော်ကောင်းတွေမှသာ ကောင်းမှုကိုလုပ်ဖိ်ု့လွယ်တယ်၊
လူမိုက်တွေကတော့ မကောင်းမှုကိုသာလုပ်တယ် လူမိုက်တွေဟာမကောင်းတဲ့အမှုကိုလုပ်ဖို့ လွယ်ကူတယ်၊
သူတော်ကောင်းတွေ လွယ်လွယ်နဲ့လုပ်တဲ့အလုပ်ကို လူမိုက်တွေက လိုက်လုပ်ဖို့ မလွယ်ဘူး၊
လူမိုက်တွေ လွယ်လွယ်နဲ့လုပ်တဲ့အလုပ်ကိုလဲ သူတော်ကောင်းတွေက လိုက်လုပ်ဖို့မလွယ်ဘူး။
ဒုတိယပိုင်းတွင် သီတဂူဆရာတော်ကြီး ရှင်ဉာဏိဿရသည် လူမိုက်တို့သွားရာလမ်းအကြောင်းကိုမြတ်စွာဘုရားရှင်ဟောကြားတော်မူခဲ့သော ဇတ်တော်အထောက်အထား၊ သမိုင်းအထောက်အထား၊ သမိုင်းဝင်ပထ၀ီရေမြေအထောက်အထားတို့ဖြင့် တရားနာပိရိသတ်ရှင်းရှင်းလင်းလင်းကွက်ကွက်ကွင်းကွင်း မြင်အောင်ထောက်ပြဟောကြားသွားခဲ့ပါသည်။
ပထမဦးစွာ … လူမိုက်လက္ခဏာ လေးပါးကို ရှင်းပြတော်မူခဲ့ရာ – လူမိုက်ဆိုသူတွေသည်
(၁) နည်းမဟုတ်တာကို နည်းမှန်လမ်းမှန်အဟုတ်လုပ်၍ လုပ်တတ်သည်
(၂) ထိုထိုသော နည်းမှားလမ်းမှားများကို ကိုယ်တစ်ယောက်တည်းမလုပ်၊ သူများတွေကိုပါလုပ်ခိုင်းတတ်သည်
(၃) ထိုထိုသော နည်းမှားလမ်းမှားကိုပင် အမြတ်တနိုးတန်ဘိုးထားတတ်ကြသည်
(၄) သူတို့မှားနေသည်ကို မြင်တွေ့သိသူများက သူတို့လုပ်ရပ်များမှားနေကြောင်း အကျိုးသင့်အကြောင်းသင့်ပြောပြန်လျှင်လည်း စိတ်ဆိုးပြီးလက်မခံ ပြောသူကိုပင်ရန်ရှာတတ်ကြသည်
ဟုဟောကြားသွားခဲ့ပါသည်။
လူမိုက်များမှသာမဟုတ်ပဲသတ္တ၀ါတိုင်းတွင်လည်းအမှားများပြုလုပ်တတ်ကြပုံကို ဤသို့ထပ်မံဖြည့်စွက်၍ –
ကံချွတ်ချော်ချိန်ရောက်လာတဲ့သတ္တ၀ါတွေဟာ နည်းလွဲနည်းမှားတွေကို နည်းမှန်လမ်းမှန်ဟု ယူဆပြီး လုပ်တတ်ကြသည်၊ အဲသည်လိုလုပ်လာကြပြီဆိုရင် ပျက်စီးရာပျက်စီးကြောင်းဖြစ်ဖို့ဦးတည်လာပြီ၊ သူတို့ရဲ့ကြီးပွားတိုးတက်လာနိုင်တဲ့အခွင့်အလမ်းတွေလဲ ပိတ်ဆို့သွားပြီ ထို့ကြောင့် ဘုရားရှင်လက်ထက်မှာ အကေတိရသေ့က လူမိုက်တွေကိုမမြင်ပါရစေနဲ့၊ လူမိုက်တွေရဲ့စကားသံကိုမကြားပါရစေနဲ့၊ လူမိုက်တွေနဲ့အပေါင်းအသင်းမလုပ်ပါရစေနဲ့၊ အပေါင်းအသင်းမလွှမရှောင်သာလုပ်ဖြစ်ရင်လဲ သူတို့တွေနဲ့ဆွေးနွေးစကားပြောတာတွေမလုပ်ပါရစေနဲ့၊ လူမိုက်တွေကိုအားပေးထောက်ခံမှုတွေမလုပ်ပါရစေနဲ့ ဟု ဆုတောင်းခဲ့ကြောင်း ဟောပြသွားပြန်သည်ကို မိမိတသက်လုံးလိုက်နာမှတ်သားဘွယ်ရာအဖြစ် နာကြားခဲ့ရပါသည်။
အရှင်ဉာဏိဿရသည် အထက်ပါလူမိုက်တို့၏စရိုက်လက္ခဏာ၊ လုပ်ကိုင်တတ်ကြပုံနှင့်နည်းမှားလမ်းမှားကိုလိုက်နေရင်းပျက်စီးဆုံးရှုံးကြရပုံများကိုအနီးစပ်ဆုံးထောက်ထားကိုးကားပြသနိုင်မည့် မြတ်စွာဘုရားရှင်ဟောကြားတော်မူခဲ့သော ကိသ၀စ္ဆ ရသေ့ ဇတ်တော်ကိုဤသို့အကျဉ်းချုံးကာဆက်လက်ဟောကြားသွားခဲ့ပါသည်။
ကိသ၀စ္ဆဇတ်တော်
ဂေါတမ မြတ်စွာဘုရားပွင့်တော်မမူမီ အိန္ဒိယနိုင်ငံ တောင်ဖက်-အလယ်ပိုင်း (ယခုအခါ) မိုးခေါင်ရေရှားအရပ်ဒေသတွင် ဂေါဓ၀တီခေါ်ရေအိုင်ကြီးတည်ရှိလေ၏ ထိုရေအိုင်ကြီးမှ ရေမျာလျှံကာ ကန်ကြီး၏အရှေ့အရပ်ဆီသို့ မြစ်ကြီးတစ်ခုအသွင်စီးဆင်းနေပြန်ရာ ထိုမြစ်ကိုလည်း ဂေါဓ၀တီမြစ်ဟုခေါ်တွင်ပြီး ယနေ့ထက်တိုင် ဂေါဓ၀တီမြစ်ကို မြင်တွေ့နိုင်သေးသည် ဟု ဆရာတော်ကြီးမှ
ရှေးဟောင်းအိန္ဒိယနိုင်ငံ သမိုင်းပထ၀ီမြေပုံအထောက်အထားကိုကိုးကားလျှက် ကိသ၀စ္ဆဇတ်တော်၏တည်နေရာကို အစပျိုးသွားခဲ့ပါသည်။ သည်နေရာတွေင် ကျနော်တစ်ခုဖြည့်စွက်၍ပြောလိုပါသည်-
ဂေါတမမြတ်စွာဘုရားပွင့်တော်မူခဲ့သောနေရာ ဗုဒ္ဒဂယာမှစပြီး ဘုရားရှင်ဟောကြားတော်မူခဲ့သည့် ဇတ်တော်များသည် နေရာအတည်တကျရှိခဲ့ကြောင်း သမိုင်းဝင်အထောက်အထားများနှင့်တကွ ပြသနိုင်ပါသည်။ လိုရင်းကိုပြောရလျှင် အမှန်တကယ်ဤသို့ဖြစ်ပျက်ခဲ့ပါသည်ဟု ပြသနိုင်သည့် လုံလောက်သော သက်သေအထောက်အထားများရှိကြောင်းကိုတွေ့ရှိနိုင်ပါသည်။ အထက်ပါ ဂေါဓ၀တီမြစ်ကြီးဘေးတွင် မြို့များတည်ထား၍ အုပ်ချုပ်မင်းလုပ်နေကြသည့်အထဲတွင် ယခုဇတ်တော်နှင့်သက်ဆိုင်သည့်မြို့မှာ ကုမ္ပ၀တီမြို့ သို့မဟုတ် ကုမ္ပ၀တီတိုင်းပြည်ဟုခေါ်တွင်ပြီး ဒန်တကေဘုရင်ကြီးက အုပ်ချုပ်မင်းလုပ်လျှက်ရှိသော်လည်း တရားဓမ္မမရှိသော မြို့ဖြစ်ကြောင်းဇတ်တော်စာများအရသိရပါသည်၊ ပါဠိလိုပြောရလျှင် ထိုမြို့နှင့်ပတ်သက်သည့် အထောက်အထားစာတွင် ဓမ္မေန လည်းမတွေ့ အဓမ္မေနလည်း မတွေ့ကြောင်း၊ ထို့ကြောင့် ထိုဒန်တကေဘုရင်ကြီးအုပ်ချုပ်နေသည့် ကုမ္ပ၀တီမြို့တွင် တရားဓမ္မမရှိဘဲအုပ်ချုပ်နေတာဖြစ်သည် ဟု သီတဂူဆရာတော်ကြီးမှ ဟောကြားသွားခဲ့ပါသည်။
အဆိုပါ ဂေါဓ၀တီရေအိုင်ကြီးနှင့် ဂေါဓ၀တီမြစ်ကြီးဘေးတွင် မြို့များတည်ထားလျှက် ဘုရင်အသီးသီးက အုပ်ချုပ်မင်းလုပ်နေကြသကဲ့သို့ သရဘဂ္ဂင်္ရသေ့ကြီးဦးဆောင်သော ရသေ့ကြီး၇ယောက်တို့သည်လည်း တပည့်တပန်းများနှင့်အတူသီတင်းသုံးနေထိုင်လျှက်ရှိကြပါသည်၊ ထိုရသေ့ကြီးများသည် ရူပဈာန်(၄)ပါး၊ အရူပဈာန်(၄)ပါး၊ လောကီအဘိဏ်ဉာဉ်(၅)ပါးတို့ရရှိပြီး
သမထကိုအဆုံးစွန်ထိပေါက်ရောက်အောင်မြင်ပြီးကြသည့်ရသေ့ကြီးများဖြစ်ကြပါသည်။ ထိုရသေ့ကြီးများသည် ဇဍိလရသေ့ခေါ်ဆံကျစ်ရှိသည့်ရသေ့များဖြစ်ရကား သစ်ခေါက်ဆိုးအ၀တ်ဝတ်၍ရသေ့အဖြစ်ရောက်သည့်အချိန်မှစကာ မုတ်ဆိတ်ကျင်စွယ်နှင့်ဆံပင်ဖြတ်ခြင်းမရှိတော့ပဲ
နှစ်ပေါင်းလေးငါးခြောက်ဆယ်တိုင်အောင်ရှည်လျှားထူထပ်လာသည့်ဆံပင်များကိုကျစ်၍ ဦးခေါင်းထက်တွင်ရစ်ပတ်ခွေဖွဲ့တင်ထားလျှက်နေကြလေရာ ပြင်ပအသွင်အားဖြင့် အရုပ်ဆိုးကြသော်လည်း အတွင်းနှလုံးဖြူစင်ပြီး ဈာန်သမာပတ်အဆုံးတိုင်ရရှိသူ သူတော်စင်များဖြစ်ကြပါသည်။
သရဘဂ္ဂင်္ရသေ့ကြီး၏ နောက်လိုက်ရသေ့များတွင် ပျမ်းမျှတပည့်တပန်း ၅၀၀၀ မှ ၁၀၀၀၀ စီအထိရှိကြရာ စုစုပေါင်း ရသေ့နှင့်တပည့်တပန်းများ ရှစ်သောင်းမှတသိန်းနီးပါး ရေအိုင်ကြီးအနီးစုဖွဲ့နေ၍မသင့်တော်ကြောင်း သရဘဂ္ဂင်္ ခေါင်းဆောင်ရသေ့ကြီးမှဆင်ခြင်မသည့်အတွက် တပည့်ရသေ့ ၇ ယောက်တို့ကို မိမိတပည့်များကိုခေါ်လျှက် တနေရာစီခွဲနေကြရန်အမိန့်ရှိသဖြင့် ရသေ့အပေါင်းလည်း ဂေါဓ၀တီရေအိုင်ကြီးမှ စီးဆင်းနေသော ဂေါဓ၀တီမြစ်ကြောင်းတလျှောက် ကိုယ့်အဖွဲ့နှင့်ကိုယ် နေရာရှာဖွေနေထိုင်ကြလေသည်။ထိုသို့ ရသေ့များကိုယ့်အဖွဲ့နှင့်ကိုယ်ခွဲ၍နေကြရာတွင် နောက်လိုက် ရသေ့ ၇ ယောက်အနက် ကိသ၀စ္ဆရသေ့သည် ကုမ္ပ၀တီမြို့သို့ရောက်ရှိသွားပြီး ဒန်တကေဘုရင် မင်းဥယျာဉ်အတွင်း တပည့် ၆၀၀၀ ကျော်နှင့်သီတင်းသုံးနေလေ၏။ ဤအချိန်တွင် ယခင်က ဓမ္မေန ခေါ်တရားဓမ္မမရှိသော ကုမ္ပ၀တီမြို့လေးသည် တရားဓမ္မနှင့်ပြည့်စုံသောမြို့အဖြစ်ရောက်လာကာ
သူတော်ကောင်းတို့၏အငွေ့အသက်များဖုံးလွှမ်းလာလေတော့သည်။
ဤနေရာတွင် စာဖတ်သူတို့အား ဒန်တကေဘုရင် အုပ်ချုပ်လျှက်ရှိသည့် ကုမ္ပ၀တီမြို့တွင်ထားရှိသည့် မြို့ကျက်သရေဆောင် နဂရသောဘီနိ အကြောင်းအနည်းငယ်ပြောလိုပါသည်။ ထိုခေတ်အခါကရှိခဲ့သောယဉ်ကျေးမှုတစ်ခုဖြစ်ဟန်တူသည့်ဘုံခုနှစ်ဆင့်ပြဿဒ်တွင်အချွေအရံများဖြင့်တင်ထားကာ အုပ်ချုပ်သူဘုရင် ဒန်တကေအပါအ၀င် မင်းညီမင်းသားမူးမတ်ဝန်ကြီးများသာမက
အနီးအနားမြို့များမှ အုပ်ချုပ်မင်းလုပ်သူများပင်လာရောက်ပျော်ပါးရသော ကုမ္ပ၀တီမြို့၏ကျက်သရေဆောင်ပြည့်တန်ဆာမ သည် ရုပ်ရည်ချောမောလွန်းပြီးအထက်ကဆိုခဲ့သည့်အတိုင်း လာရောက်ပျော်ပါးသူ ဧည့်သည်များလွန်းလှသဖြင့်အထူးဝင်ငွေကောင်းလှရာ အုပ်ချုပ်သူဘုရင်ဒန်တကေ ထက်ပို၍၀င်ငွေကောင်းလှသည်ဆို၏ ။ ဘုရင်ဒန်တကေ မှာပြည့်တန်ဆာလောက်ပင်ဝင်ငွေမကောင်းသဖြင့် ပြည့်တန်မအား ဘုံခုနှစ်ဆင့်မှဆင်းခိုင်းပြီး ရာထူးမှချလိုက်လေသည်။ ကျော်ကြားလာပြီးဝင်ငွေကောင်းလာလျှင် ထိုခေတ်ကဘုရင်များလည်းမကြိုက်ကြပေ၊ သူတို့ထက်သာသူများကို မနာလိုလျှင် အတူပျော်ပါးခဲ့သည့်ပြည့်တန်ဆာလည်းမရ၊ အဖြုတ်ခံရ၏။
ထိုအခါပြည့်တန်ဆာမသည် ရာထူးမှချခံရသည့်အတွက် စိတ်ပျက်စွာဖြင့် ခြေဦးတည့်ရာလမ်းလျှောက်လာရင်း မင်းဥယျာဉ်အတွင်းရောက်ရှိလာပြီး ကိသ၀စ္ဆရသေ့ကိုတွေ့ရာ ဆံကျစ်ထူလပျစ်နှင့် အရုပ်ဆိုးသောကိသ၀စ္ဆရသေ့အား အတွင်းသရုပ်ကိုထွင်းဖေါက်သိမြင်နိုင်ခြင်းငှာမစွမ်းသာသောကြောင့် သူတော်ကောင်းတန်ခိုးရှင်တစ်ဦးကဲ့သို့မြင်ရမည့်အစား အမင်္ဂလာရုပ်၊ ကျက်သရေမဲ့သောရုပ်၊ အနိဌာရုံ အဖြစ်မြင်တွေ့ကာ ကလ္လကန္ဒ(သူယုတ်မာ) ဟု သမုတ်လေတော့သည်။ ထို့ပြင် မျက်နှာသစ်ရေ၊ သွားပုပ်ရေတို့ဖြင့် ကိသ၀စ္ဆရသေ့၏ မျက်နှာပေါ်သို့ပက်ခြင်း၊ ထွေးခြင်း အပြင် သွားတိုက်တံကိုလည်းဆံကျစ်အပေါ်သို့ပစ်ပေါက်စွန့်ပစ်ခြင်းစသည့် သူတော်ကောင်းတို့လွယ်လွယ်မပြုနိုင်သောအမှုကိုပြုလေတော့သတည်း။ပြည့်တန်ဆာမသည် ၇ ရက်တိုင်တိုင်ထိုသို့သော ယုတ်ညံ့သည့်အလုပ်ကို နေ့စဉ်လုပ်ပြီးသကာလ ဘုရင်ဒန်တကေက ပြည့်တန်ဆာမကို သတိရတော်မူသဖြင့်မေးမြန်းပြီး ယခင်ရာထူးပြန်ပေးစေကာ ဘုံခုနှစ်ဆင့်သို့ ပြန်တင်ထားစေ၏။ ထိုအချိန်မှာပင် ဘုရင်ဒန်တကေ၏ ၀န်ကြီးတပါး အလုပ်မှထုတ်ပယ်ခံရပြန်သော် ပြည့်တန်ဆာမအား ရာထူးမှအချခံရပြီးကာမှ ရာထူးပြန်ရအောင်မည်သို့ဆောင်ရွက်ခဲ့သည်ကို သွားရောက်မေးမြန်းရာ ပြည့်တန်ဆာမက ဘာမှအထွေအထူးလုပ်စရာမလိုပါ မင်းဥယျာဉ်ရှိရာသို့သွား၍ ရုပ်ဆိုးဆိုး၊ ဆံကျစ်ဗလပွနှင့် သူယုတ်မာကို ၇ရက်တိုင်တိုင် တံတွေးဖြင့်ထွေး၊ မျက်နှာသစ်ရေဖြင့်ပက် စသည့်အလုပ်တို့ကိုလုပ်ခိုင်းလိုက်ရာ ပြည့်တန်ဆာမလောက်မှ စဉ်းစားဉာဏ်မရှိသောဝန်ကြီးဆိုသူကလည်း သူတော်စင် ကိသ၀စ္ဆရသေ့အားထိုအတိုင်းသွားရောက်၍ မကောင်းမှုကိုလွယ်ကူစွားကျူးလွန်ပြန်ချေသည်။ တိုက်ဆိုင်စွာဖြင့်ပင် ၇ ရက်ပြည့်မြောက်သောနေ့တွင် ဘုရင်က ၀န်ကြီးအားအလုပ်ပြန်ခန့်လိုက်ပြန်ရာ မင်းဥယျာဉ်သို့သွားရောက်ပြီး ကိသ၀စ္ဆရသေ့အား မကောင်းမှုပြုကျင့်ခြင်းသည် ယတြာတစ်ခုကဲ့သို့ ဖြစ်လာချေတော့သည်။
သို့နှင့် ကုမ္ပ၀တီမြို့ဘုရင်အား ပုန်ကန်သူတို့က တိုက်ခိုက်မည့်အရေးဖြစ်လာပြန်ရာ ဘုရင်ကိုယ်တိုင်စစ်ထွက်တိုက်ခိုက်ရမည့်အခြေအနေသို့ဆိုက်ရောက်ခဲ့ပြီး စစ်မထွက်မီစစ်အောင်ရေးအတွက် ဆုတောင်းယတြာပြုလုပ်ရန်မူးကြီးမတ်ရာတို့အားအကြံဉာဏ်တောင်းခံရာ ပြည့်တန်ဆာမက သူရာထူးပြန်အောင်လုပ်ဆောင်ခဲ့ပုံ၊ ပြည့်တန်ဆာမပြောသည့်အတိုင်းလိုက်လုပ်သည့်ဝန်ကြီးရာထူးပြန်ရပုံတို့ကို ၀ိုင်းဝန်းလျှောက်ထားသည့်အတိုင်း ဘုရင်ကလည်းထိုအတိုင်းလိုက်လုပ်ရန်ကို စဉ်းစားဉာဏ်ကင်းမဲ့စွာဖြင့်
သဘောတူလက်ခံရကား မင်းဥယျာဉ်ရှိရာသို့ မူးမတ်ဗိုလ်ပါအပြည့်အစုံခြံရံလျှက်ရောက်ရှိပြီးနောက် ကိသ၀စ္ဆရသေ့အား ပြည့်တန်ဆာမနှင့် ရာထူးပြုတ်ဝန်ကြီးတို့ပြုမူသည့်အတိုင်း မိုက်မဲစွာပြုမူလေတော့သတည်း။ အုပ်ချုပ်သူဘုရင်ကိုယ်တိုင်ဦးဆောင်ကာ နည်းမှားလမ်းမှားကို နည်းမှန်လမ်းမှန်အမှတ်ဖြင့်ဆောင်ရွက်လေရာ နောက်လိုက်နောက်ပါအချွေအရံတို့ကလည်း
နည်းမှားလမ်းမှားကိုဝိုင်းဝန်းလုပ်ကြလေတော့သည်။ သို့သော်တိုက်ဆိုင်စွာဖြင့်ဘုရင်သည်စစ်ပွဲကိုလည်းအောင်နိုင်လိုက်ပြန်ရာ မြို့သူမြို့သားတို့ နှင့်အတူ ၀မ်းသာမဆုံးအောင်ပွဲခံ၍မဆုံးဖြစ်နေကြလေတော့သည်။
ထိုအချိန်တွင် ရသေ့တို့၏ခေါင်းဆောင်ကြီးဖြစ်သူ သရဘဂ္ဂင်္ရသေ့ကြီးက ငါ့တပည့် ကိသ၀စ္ဆရသေ့ကို ဘုရင်နှင့်မူးမတ်ဗိုလ်ပါအပေါင်းက စော်ကားနေကြသည့်အပြင် ပြည်သူလူထုကပါနောက်မှ အားပေးနေကြသည်ကို သိရှိရသည့်အခါ တပည့်ရသေ့တို့အား ကိသ၀စ္ဆရသေ့အား ကုမ္ပ၀တီမြို့မှ သွားရောက်ခေါ်ယူလာကြရန်မှာကြားသဖြင့် သရဘဂ္ဂရသေ့၏တပည့်များက ကုမ္ပ၀တီမြို့တွင်လူအများတံတွေးခွက်၌ပက်လက်မျောနေရှာသော ကိသ၀စ္ဆရသေ့အားထမ်းစင်ဖြင့်သွားရောက်ပင့်ဆောင်ကာ ကိသ၀စ္ဆရသေ့၏ နောက်လိုက်တပည့်အပေါင်းကိုလည်း ကုမ္ပ၀တီမြို့မှအတူထွက်ခွာစေ၏။သူတော်ကောင်းရသေ့ကိုပစ်မှားနေသည့်ဘုရင်ဒန်တကေ၊ နောက်မှလိုက်ပါအားပေးနေကြသည့်မူးမတ်ဗိုလ်ပါများနှင့်ပြည်သူလူထုအပေါ် စိတ်ဆိုးနေကြသော ကုမ္ပ၀တီမြို့ကိုစောင့်သော အာကာတစိုး၊ ဘုမ္မစိုး ရုက္ခစိုးအစရှိသော နတ်အပေါင်းတို့သည် အမျက်ရှသော်လည်းသူတော်ကောင်းတို့အရှိန်အ၀ါရှိနေသေးသောကြောင့် ကုမ္ပ၀တီမြို့အပေါ်အရေးယူအပစ်ပေးမှုများမလုပ်သာဘဲရှိနေခိုက်
ကိသ၀စ္ဆရသေ့နှင့်နောက်ပါသူတော်ကောင်းများမြို့မှထွက်ခွာသည်နှင့် သူတော်ကောင်းအငွေ့အသက်ကင်းစင်သွားသော မြို့ပေါ်သို့ အပစ်ပေးရန် မိုးကြီး(၁၀)မိုးရွာချခြင်းဖြင့် စတင်လေတော့သည်။မကောင်းမှုကိုလုပ်ဆောင်ကြသောလူမိုက်များသည် ကောင်းကျိုးပေးနေခြင်းများရပ်ဆိုင်းပြီး မကောင်းကျိုးများပေးလာသည်နှင့် ကြီးပွားမည့်အခွင့်အလမ်းများပိတ်ပင်သွားကာ ပျက်စီးခြင်းသို့ဦးတည်လာလေတော့သည်။
သူတော်စင်များ၏အငွေ့အသက်ကင်းစင်သွားသော ကုမ္ပ၀တီမြို့ပေါ်သို့ နတ်များက မိုးကြီး(၁၀)မိုးရွာသွန်းခြင်း
ပထမဦးစွာ ရေများများပါသောမိုးကြီးရွာ၏၊ ဘုရင်နှင့်မြို့သူမြို့သားအပေါင်းက မိုးရေထဲတွင်ပျော်ရွှင်စွာဖြင့် ငါတို့အောင်ပွဲ၊ ငါတို့လုပ်သည့်အလုပ်ကမှန်၍ ရွာသောမိုးဟုကြွေးကြော်ကြ၏။ ဒုတိယ နတ်များက သဲဖြူမိုးရွာသွန်းပြန်ရာ မိုးရေများရွှဲစိုနေသောနေရာ၊ ချိုင့်ခွက်များအားသဲဖြူခင်းပေးလိုက်သကဲ့သို့ဖြစ်ရကား ဘုရင်နှင့်မြို့သားများကအထက်ပါအတိုင်းပင် ငါတို့အောင်ပွဲ၊ ငါတို့လုပ်သည့်အလုပ်ကမှန်၍ ရွာသောမိုးဟုအထင်ရှိကာ ပျော်နေကြပြန်၏။ တတိယ အခါတွင်နတ်များက ပန်းမိုးကိုရွာချလိုက်ပြန်ရာ သဲဖြူခင်းထားသောမြေပေါ်တွင် ပန်းပွင့်ပန်းဖတ်တို့ဖြင့်လှပနေလေရာ ဘုရင်နှင့်မြို့သားများကအထက်ပါအတိုင်းပင် ငါတို့အောင်ပွဲ၊ ငါတို့လုပ်သည့်အလုပ်ကမှန်၍ ရွာသောမိုးဟုအထင်ရှိကာ ပျော်နေကြပြန်၏။ စတုတ္ထအကြိမ်နှင့်ပဉ္စမအကြိမ်များတွင် နတ်များက ငွေအသပြာအသေးမိုးနှင့် ငွေအသပြာအကြီးမိုးကိုရွာချလိုက်ပြန်၏ သည်တခါတွင်မြို့သူမြို့သားများက မိုးပေါ်ကကျလာသောအသပြာအကြီးအသေးတို့ကိုကောက်ယူကြကုန်၏။ ဆဋ္ဌမအကြိမ်တွင် ရွှေငွေလက်ဝတ်ရတနာနှင့်ကျောက်သံပတ္တမြားတို့ပါသောမိုးကိုရွာချရာ အိမ်တွင်းအောင်းနေကြသူများပါမကျန် အလုအယက်ထွက်လာကြပြီး ရွှေငွေလက်ဝတ်ရတနာနှင့်ကျောက်သံပတ္တမြားတို့ကို လောဘတကြီးလုယက်ကောက်ယူကြတော့၏။ လူအများအားလုံးအိမ်တွင်းမှအိမ်ပြင်ထွက်လာစေရန်တဆင့်ပြီးတဆင့်နတ်များကရွာချပေးလိုက်သော ဆဋ္ဌမမြောက်မိုးအပြီးတွင် သတ္တမမြောက်မိုးအဖြစ် နတ်များစိတ်ဆိုးဆိုးဖြင့်ပစ်လွှတ်လိုက်သောလက်နက်မိုးကြီးရွာလိုက်ရာ အိမ်ပြင်ရောက်နေကြသူအားလုံး အပိုင်းပိုင်းပြတ်ကာ သေကြေပျက်စီးကြတော့၏။ ဆက်လက်၍ အဋ္ဌမမြောက်မိုးအဖြစ် ကျောက်တုံးကြီးများပါဝင်သော ကျောက်ခဲမိုးကိုရွာချလိုက်ပြန်ရာ မသေမရှင်ဖြစ်သူများအားလုံး သေဆုံးကုန်၏။ န၀မမြောက်မိုးအဖြစ် မီးကျည်းခဲမိုးကိုရွာချလိုက်ပြန်ရာ ကုမ္ပ၀တီတမြို့လုံးမီးဟုန်းဟုန်းတောက်လောင်ကာ မြို့ကြီးပျက်စီး၏။ နောက်ဆုံးဒဿမမြောက်မိုးအဖြစ် သဲမိုးကြီးရွာချလိုက်သည်တွင် ကုမ္ပ၀တီမြို့သည် သဲကန္တာရကြီးအောက်တွင်နစ်မြုပ်၍ ယနေ့တိုင်လုံးဝပျောက်ကွယ်သွားလေတော့သည်။
ဇတ်ပေါင်းသောအခါ ကိသ၀စ္ဆရသေ့သည် ဂေါဓ၀တီမြစ်ကမ်းဘေးတွင်နတ်ရွာစံကာ ဗြဟ္မာ့ပြည်သို့ဦးစွာရောက်ပြီး နောက်အခါ မြတ်စွာဘုရားလက်ထက်တော်၌ ရှင်မဟာမောဂ္ဂလန်ကိုယ်တော်ဖြစ်လာ၏။ ရသေ့တို့၏ခေါင်ဒဆောင် သရဘဂ္ဂင်္ရသေ့သည်နောင်အခါ ဂေါတမမြတ်စွာဘုရားဖြစ်လာ၏။ ဒန်တကေဘုရင်ကားနတ်ရွာသို့မလားနိုင်ရှာဘဲ အ၀ီစိငရဲသို့ကျဆင်းရလေသည်။
လူမိုက်လက္ခဏာလေးပါးတွင် လူမိုက်ဆိုသူတွေသည်
(၁) နည်းမဟုတ်တာကို နည်းမှန်လမ်းမှန်အဟုတ်လုပ်၍ လုပ်တတ်သည်
(၂) ထိုထိုသော နည်းမှားလမ်းမှားများကို ကိုယ်တစ်ယောက်တည်းမလုပ်၊ သူများတွေကိုပါလုပ်ခိုင်းတတ်သည်
(၃) ထိုထိုသော နည်းမှားလမ်းမှားကိုပင် အမြတ်တနိုးတန်ဘိုးထားတတ်ကြသည်
(၄) သူတို့မှားနေသည်ကို မြင်တွေ့သိသူများက သူတို့လုပ်ရပ်များမှားနေကြောင်း အကျိုးသင့်အကြောင်းသင့်ပြောပြန်လျှင်လည်း စိတ်ဆိုးပြီးလက်မခံ ပြောသူကိုပင်ရန်ရှာတတ်ကြသည်
ဟုဟောကြားသွားခဲ့ရာ
လမ်းမှားလမ်းလွဲကိုလိုက်မိနေကြကုန်သောသူတွေသည် သတိပေးပြောကြားမှုများရှိလာလျှင် စိတ်မဆိုးပဲအမှန်ကိုလက်ခံသိမြင်၍ မိမိကိုယ်မိမိပြင်ဆင်ကျင့်ကြံကြစေရန် ဤ ကိသ၀စ္ဆဇတ်တော်က သင်္ခန်းစာပေးကြောင်း ဟောကြားသွားခဲ့ပါသည်။
ပြီးပါပြီ ။
ရွှင်လန်းချမ်းမြေ့စွာဖြင့် လူမိုက်များကိုရှောင်ရှားလျှက် နည်းမှန်လမ်းမှန်ကိုလျှောက်လှမ်းနိုင်သော သူတော်ကောင်းများအဖြစ် ဘ၀ကြီးပွားရာကြီးပွားကြောင်းကိုရှာကြံတက်လှမ်းနိုင်ကြပါစေရန်လေးနက်စွာဆုတောင်းမေတ္တာပို့သအပ်ပါသည်။
December 3, 2007
Posted by maricopa2007 |
message |
Leave a comment
view original page on Mizzima Internet News
ရန်ကုန်သား Tuesday, 27 November 2007 20:32 – မြန်မာစံတော်ချိန်
နအဖ စစ်အစိုးရဟာ မြန်မာနိုင်ငံကို ပါတီစုံ ဒီမိုကရေစီနိုင်ငံ ဖြစ်အောင် တည်ထောင် လမ်းခင်းနေတယ်သာ ပြောတာ၊ တကယ်တမ်းတော့ ကမ္ဘာ့ဒီမိုကရေစီ နိုင်ငံတွေနဲ့ တည့်အောင်မပေါင်းဘူး။ အကောင်းလည်း မပြောဘူး။ ရန်လိုက်ဖြစ်နေတယ်။ တပါတီစနစ်၊ ဆိုရှယ်လစ်၊ ကွန်မြူနစ်စနစ် နိုင်ငံတွေကို အကောင်းပြောတယ်။ အဲဒီနိုင်ငံတွေနဲ့ တရင်းတနှီး တည့်အောင်ပေါင်းတယ်။ ဒီမိုကရေစီ နိုင်ငံတွေနဲ့ ဝေးဝေးနေတယ်။
သတိထားမိကြမလား မသိဘူး။ မြန်မာ စစ်အစိုးရဟာ ၁၉၈၈ အာဏာသိမ်းပြီးကတည်းက ၁၅ နှစ်လောက် ကြာတဲ့အထိ ဒီမိုကရေစီ ဆိုတဲ့စကားကို မပြောဘူး။ အဲဒီစကားလုံးကို သုံးရမှာ ကြောက်လို့ တတ်နိုင်သမျှ ရှောင်နေခဲ့တာပါ။ အခု ၃-၄ နှစ်မှာမှ ကြောက်ကြောက်နဲ့ စည်းကမ်း ပြည့်ဝသောတို့၊ ဘာတို့ ခံပြီး သုံးလာတာ။ စပြောလာတာ။ သိပ်ပြောချင်လှတာ မဟုတ်ဘူး။ အခုတခါ အတိုက်အခံနဲ့ တွေ့ဆုံ ဆွေးနွေးရေးကိုလည်း ကြောက်လို့ မလုပ်ဘဲနေနေတာ ဘယ်လောက်ကြာပြီလဲ။ ဒေါ်စုတို့ အန်အယ်ဒီက တွေ့ဆုံဆွေးနွေးဖို့ တောင်းဆိုနေတာ အာပေါက်နေပြီ။
လွန်ခဲ့တဲ့ ၃-၄ လတုန်းကတောင် အတိုက်အခံ အန်အယ်ဒီ ပါတီနဲ့ ဆွေးနွေးဖို့ အကြောင်းမရှိပါလို့ ပြန်ကြားရေး ဝန်ကြီးကိုယ်တိုင် သတင်းစာ ရှင်းလင်းပွဲမှာ တရားဝင် ပြောသွားသေးတယ်။ အခု တကမ္ဘာလုံးက အတိုက်အခံနဲ့ ဆွေးနွေးဖို့ ဝိုင်းပြောလို့သာ မကောင်းတတ်လို့ စိတ်မပါလက်မပါနဲ့ လုပ်ပါ့မယ် လုပ်နေတာ။ အလုပ်ဖြစ်အောင် လုပ်ချင်စိတ်က အစကတည်းက ရှိတာမဟုတ်ဘူး။ ရသလောက် ကတ်ဖဲ့ဂျီကျနေအုံးမှာပဲ။ နအဖ ရဲ့ ကျေညာချက် ၁၊၂ဝဝ၇ ဟာ ကုလအထူးကိုယ်စားလှယ် မစ္စတာဂမ်ဘာရီကို ပြောလိုက်တာပါ။ ဂမ်ဘာရီက ကုလသမဂ္ဂမှာ အရင်သွားပြောတော့မှ အစိုးရက ဒီမှာ ကျေညာချက် ထုတ်တာလေ။ ဂမ်ဘာရီကတဆင့် ဒေါ်အောင်ဆန်းစုကြည် ကျေညာချက်ထုတ်တာကို အခုမှ ကြံဖန်ပြီး အပြစ်ပြောနေတာ။ သူတို့လည်း ဒီလိုအလုပ် လုပ်ခဲ့တာပဲ။ ဒီလို အကြောက်လွန်ပြီး ဒူးချောင်နေကြတာမှာ ဒေါ်စု ကျေညာချက်လည်း ထွက်လာရော ကြောက်စိတ်ကို ဘယ်လိုမှ မထိန်းနိုင်တော့ဘဲ နောက်ပြန် လှည့်ပြေးတော့တာပဲလို့ ဆိုရင် အကျွန်ုပ် လွန်အံ့မထင် … ငါ့ရှင်တို့။
ကျနော်တို့ ပြည်သူတွေကတော့ နအဖ ဥက္ကဌ ဗိုလ်သန်းရွှေရဲ့ ၁/၂ဝဝ၇ ကျေညာချက်နဲ့ ဒေါ်စုက လက်ခံပါတယ်ဆိုတဲ့ ၈-၁၁-၂ဝဝ၇ ထုတ်ပြန်ကျေညာချက်တွေကို နားထောင်လိုက်ရတဲ့ အချိန်မှာ ဘယ်လို ဝမ်းသာမိမှန်း မသိဘူး။ နှစ်ဦးနှစ်ဘက်လုံးရဲ့ ရဲရင့်မြင့်မြတ်တဲ့ စိတ်နေစိတ်ထားတွေကို လေးစား ချီးကျူးမိရပါတယ်။ မြန်မာ့ တပ်မတော်သား စစ်ဗိုလ်ချုပ်ကြီးတွေကိုလည်း သတ္တိရှိမှာပဲလို့ စိတ်ချ ယုံကြည်စွာနဲ့ အမှတ်ပြည့် ပေးထားပါတယ်။ သာတူညီမျှ၊ ဂုဏ်ကျက်သရေရှိရှိ တွေ့ဆုံဆွေးနွေး စကားပြောကြဖို့လည်း အချိန်တန်ပြီဆိုတာ သဘောပေါက် နားလည်ကြလို့ တပြည်လုံး ဝမ်းသာအားရနဲ့ စိတ်ဝင်တစား လှိုက်လှိုက်လှဲလှဲ ထောက်ခံခဲ့ကြတာ အမှန်ပါ။
ဘယ့်နှယ့်ဗျာ – တိုင်းပြည်ရဲ့ အင်အားအကြီးမားဆုံး အဖွဲ့အစည်းကြီး နှစ်ခု စစ်ခင်းနေသလို ဖြစ်နေတာ ကြားမှာ ပြည်သူလူထုတွေ မြေစာပင် ဖြစ်ရတာ ကြာလှပြီပဲ။ တဦးကိုတဦး ရန်သူလို သဘောထား ချေမှုန်း နှိပ်ကွပ်နေလို့က ဘယ်တော့မှ ပွဲပြီးမှာ မဟုတ်ပါဘူး။ တိုင်းပြည်လည်း ရှေ့မရောက်၊ ပြည်သူတွေသာ အတိဒုက္ခ ရောက်ကြရတယ်။ ပြည်သူတွေ မကျေမနပ်ဖြစ်လို့ အရေးအခင်းတွေ ဖြစ်လိုက်၊ အစိုးရက နှိမ်နင်းလိုက်၊ ပြည်သူတွေ ပိုဆင်းရဲသွားလိုက်နဲ့ အုပ်ချုပ်သူကော အုပ်ချုပ်ခံရသူတွေပါ အသုတ်လိုက် အသုတ်လိုက် ဒုက္ခရောက်ကြရတာ၊ မြင်ရတာ၊ ကြားရတာ စိတ်မချမ်းသာပါဘူး။
ကျေညာချက် နှစ်ခုကလည်း အဆင့်အတန်းချင်း ကွာတာကိုး။ တည်ကြည်တဲ့ အရေးအသား၊ ရိုးသားဖြူစင်တဲ့ စိတ်နေစိတ်ထား၊ သတ္တိရှိတဲ့ တာဝန်ယူမှု၊ တဘက်သားကို ကျိုးနွံလေးစားမှုတွေမှာ တော်တော်ကွာခြားတာ တွေ့ရတယ်။
ကျေညာချက်နှစ်ခုရဲ့ အဆင့်အတန်းချင်းက တခြားစီဆိုတော့ ပြည်သူတွေ စိတ်ထဲမှာ ‘ဘက်မညီဘူး၊ ဖြစ်မှာ မဟုတ်ပါဘူးကွာ’ ဆိုတဲ့ မယုံကြည်ရဲတဲ့ စိတ်က အရင်ကတည်းက ရှိပြီးသား၊ ထင်ထားတဲ့ အတိုင်းပါပဲ။ ဒေါ်စုက ‘လက်ခံပါတယ်၊ တိုင်းပြည်အတွက် အားလုံး လက်တွဲလုပ်ကြရအောင်’ ဆိုတဲ့ ကျေညာချက်လည်း ထွက်လာရော ဗိုလ်ချုပ်ကြီးတွေ လန့်ပြီး နောက်ပြန်လှည့်ပြေးဖို့ သွေးရူးသွေးတန်းနဲ့ အပြိုင်အဆိုင် ဘောင်းဘီ အောက်နားလိပ်တော့တာပဲ။ သတ္တိပြတာလေ။
အဲဒီမှာ အနိုင်ကျင့်လို့ရတဲ့ တိုင်းရင်းသား အဖွဲ့အစည်း နာမည်တွေ သုံးပြီး ဒေါ်စုရဲ့ ကျေညာချက်ကို ‘လက်မခံပါဘူး၊ ကန့်ကွက်ပါတယ်’ ဆိုပြီး သေးသိမ်သွားအောင် အတင်းထလုပ်တော့တာပဲ။ အရင်ကတည်းက အလုပ် ဖြစ်ချင်တာမှ မဟုတ်တာ။ ကတ်ဖဲ့ယပ်ဖဲ့လုပ်ဖို့ အကွက်ရှာနေတာလေ။ ခြုံပုတ်ထဲမှာ ပုန်းပြီး နအဖ က တနေ့မှာ သူတို့ကို လူရာသွင်းနိုးနဲ့ စိတ်ကူးတွေယဉ်ပြီး အကွက်ချောင်းနေတဲ့ (မဆလ) တစညတို့၊ စိုးလင်းတို့၊ အေးလွင်တို့ကတော့ စိတ်ပါလက်ပါ ဆွမ်းကြီးဝင်လောင်းတဲ့ အကဲဆုံး အဖွဲ့တွေပေါ့။ သူတို့ကို ဘယ်သူကမှ မယုံတာလည်း အပြစ်မပြောနဲ့။ ယောင်တောင်ပေါင်တောင်နဲ့ ဘာလုပ်တဲ့ ကောင်တွေမှန်း ဘယ်သူမှမသိ။ အမျိုးသား ညီလာခံမှာလည်း မပါရ၊ အခြေခံဥပဒေ ရေးဆွဲရေးမှာဆို ပိုဝေးသေး။ ဆင့်ဟိုဒင်း ခွေးမျှော်အဖွဲ့တွေပါ။
မျက်နှာပြောင်ရတာလောက်တော့ ဗိုလ်ချုပ်ကြီးတွေအတွက် မဆန်းပါဘူး။ ၁၉၉ဝ ရွေးကောက်ပွဲ ပြီးစကလည်း အကြောက်လွန်ပြီး ဘယ်သူတွေ ဘာပြောပြော လွှတ်တော် ခေါ်မပေးဘဲ တောင်ပြောမြောက်ပြောနဲ့ စောင်ခြုံထဲက မထွက်တမ်း အရှက်ကွဲ ခံနေခဲ့ပြီးပြီ။ ပြည်သူတွေမှာတော့ စိတ်မောလူမော၊ ရယ်လည်း ရယ်ချင်၊ ငိုလည်း ငိုချင်။ ဗိုလ်ချုပ်ကြီးတွေ ကြောက်နေတာမှန်း သိသားပဲ။ သူတို့ သတ္တိရှိအောင် အရင် လုပ်ရအုံးမယ်ပေါ့။ ဘယ်လိုလုပ်ရပါ့။
အခုလည်း ၁ နှစ်၊ ၂ နှစ် သားကလေးတွေလို ‘တော်တယ်ဟေ့၊ သတ္တိရှိတယ်ဟေ့၊ ဒေါ်စုနဲ့ ဆွေးနွေးလိုက် ဆွေးနွေးလိုက်၊ ဘာမှ မကြောက်နဲ့’ လို့ တကမ္ဘာလုံးက ဝိုင်းဝန်းပြီး ဖျောင်းဖျပြောနေကြရတာပဲ။ ဒုတ်ပြတဲ့သူက ပြ၊ မုန့်ပြတဲ့သူက ပြပေမယ့် သူတို့က မလှုပ်ဘူး။ ကြောက်နေရှာတာကိုး။
တူမလေးတယောက်က ပြောဘူးတယ်။ ‘ပြည်သူတွေရဲ့ အသက်အိုးအိမ် စည်းဇိမ်တွေကို အသက်ပေး ကာကွယ်မယ့် ရဲရဲတောက် သတ္တိခဲ တပ်မတော်သားတွေလို့ ပြောပြောနေတာ ဘယ်လို ယုံရမှာလဲ’ တဲ့။ ကြည့်ပါအုံး။ သူတို့ နေနေတဲ့ နေရာကို တိုင်းသူပြည်သား မိန်းမကလေးတွေ၊ လူကြီးတွေ နေ့တိုင်း သွားလာနေကြတဲ့ ရန်ကုန်မြို့လယ်ခေါင် အလံပြဘုရား လမ်းမပေါ်က စစ်ရုံးကြီးမှာ အုပ်တံတိုင်း မြင့်မြင့်ကြီးခတ်ပြီး ပြည်သူတွေရှိရာ အပြင်ဘက်ကို သေနတ်နဲ့ပစ်ဖို့ အပေါက်တွေ ဖောက်ပြီး အစောင့်အရှောက် လုံခြုံရေးတွေ တင်းတင်းကျပ်ကျပ်နဲ့ လုံလုံခြုံခြုံ နေနေကြတာပဲ။ အနားမှာရှိတဲ့ မြန်မာနိုင်ငံရဲ့ အထင်ကရ ရွှေတိဂုံ စေတီတော်ကြီးမှ အားမနာ။ မြို့လယ်ခေါင် ပြည်သူတွေကြားမှာ ခံကတုပ် ကျင်းတွေတူးပြီး နေနေတဲ့သူတွေက ပြည်သူကို ဘယ်လိုဘယ်ပုံ ကာကွယ်ကြမှာလည်း အခုထိ မစဉ်းစားမိသေးဘူးလားတဲ့။
ဘာတတ်နိုင်မှာလဲ။ ကျနော်တို့ သားသမီးပဲ၊ ကျနော်တို့ ပြည်သူတွေထဲက မွေးဖွားလာတဲ့ မြန်မာ့ တပ်မတော်သားတွေပဲ။ တောင်းစုတ်ပလုံးစုတ်လည်း မဟုတ်၊ ပြစ်ပယ်လို့လည်း မရ။
ဆုံးမရတာလည်း စကားတွေထပ်နေလို့ ဂျာအေး … သူ့အမေရိုက်နေပြီ။ ယူအန် (ကုလ)၊ အီးယူ (ဥရောပသမဂ္ဂ)၊ အာဆီယံ (အရှေ့တောင်အာရှ အသင်း) တို့လည်း သိရသလောက် လက်လန်နေပြီ။ မြန်မာတွေ ဒီလိုအစိုးရမျိုးရတာ ‘ဒင်းတို့ထိုက်နဲ့ ဒင်းတို့ကံ၊ ဒို့အချိန် အလကားကုန်တယ်’ လို့ ဆိုချင်နေကြပြီ။ မြန်မာ စစ်ဗိုလ်ချုပ်ကြီးတွေ ကြောက်တတ်တာနဲ့ တိုင်းသူပြည်သားတွေ ဒုက္ခရောက်လှပါပြီ ခင်ဗျာ။
ကိုင်း – တိုင်းပြည် ကောင်းရာကောင်းကြောင်းအတွက် ဆုတောင်းလိုက်ကြရအောင်။ စစ်ဗိုလ်ချုပ်ကြီးများ သတ္တိလေးတွေ မွေးနိုင်ကြပါစေ။
ရန်ကုန်သား
December 3, 2007
Posted by maricopa2007 |
from other sites, message |
Leave a comment
ကျမတို့  မြန်မာပြည်ကြီး ခမျာ ကိုယ့် လူမျိုးအချင်းချင်းဖြစ်ရက်နဲ့  အာဏာလက်မလွှတ်ချင်တဲ့ လူတစုရဲ့ 
မတော်မတရားနင်းချေတာခံရပြီး နင်းပြားဘဝရောက်နေရပါရော။အဲဒီ ဘဝဆိုးကလွတ်မြောက်စေချင်တဲ့ 
စေတနာမှန်နဲ့ ရေးသားခဲ့ တဲ့ စာတွေထဲမှာ အားလုံးနဲ့ ထပ်တူ သဘောထားမတိုင်ဆိုင်တာတွေပါကောင်း
ပါသွားပါလိမ့် မယ်။
စေတနာလွန်ကဲရင် ဝေဒနာဖြစ်တတ်တဲ့ သဘောပါ။
ကျမရေးခဲ့ တဲ့ စာတွေအပေါ် ကျမတာဝန်ယူရဲတဲ့ အတွက် တောင်းပန်ဘို့ တော့ ဘယ်တုံးကမှ စိတ်မကူး
ခဲ့ ပါဘူး။
ကျမကို စိတ်ဆိုးချင်ဆိုးနေကြမယ်။ဒါမှမဟုတ် အနာပေါ်ဒုတ်ကျသလို အခံရခက်ချင်ခက်နေကြမယ်။
ဝါးလုံးရှည်နဲ့ သိမ်းကျုံးရမ်းတာမဟုတ်ပေမဲ့  နာလိုခံခက် အမျက်ထွက်ကြရင်လဲ မတတ်နိုင်ပါ။
ကျမ တိုင်းပြည် အတွက်၊ကျမ တိုင်းသူပြည်သားတွေ အတွက် တကယ် လက်တွေ့ လှုပ်ရှားနေကြတဲ့ 
အပေါ် အားမလို အားမရဖြစ်ပြီးရေးလိုက်ရတာပါ ဆိုတာကိုတော့  နားလည်သဘောပေါက်ကြမယ်ထင်ပါတယ်။
မျက်လုံးစုံပိတ်ပြီး ပြောနေတာမှမဟုတ်တာ။အခု လောလောဆယ် ဖြစ်နေတာတွေ၊ကြားနေတာတွေ၊မြင်နေတာတွေ အပေါ် အခြေခံပြီး ရေးရတာပါ။အခုထက် ပိုပြီး နိုးကြား၊
ထကြွ၊လုံ့ လစိုက်စေချင်လို့ ပါ။
ပြည်တွင်းကလူတွေ မလုပ်နိုင်တာတွေကို ပြည်ပ ရောက်နေတဲ့ လူတွေ တတ်နိုင်တဲ့ ဖက်က လုပ်ပေးကြစေချင်တာပါ။
အချင်းချင်းဝေဖန်။လေကန်နေကြ၊ဆော်နေ အော်နေကြမယ့် အစား အားလုံးတညီတညွတ်နဲ့ 
စုရုံးအဖြေရှာ အကောင်အထည်ဖေါ်ကြရင် မကောင်းဘူးလား။
ငွေကြေးတတ်နိူင်တဲ့ သူကငွေကြေး၊အဆက်အသွယ်အားကောင်းတဲ့ သူက အဆက်အသွယ်။
မကျေနပ်တာတွေ၊ကျေနပ်တာတွေ၊
ကြောတာတွေ၊မောတောတွေ၊ ဘေးချိတ်ပြီး ခနလေးလက်တွဲကြည့် ကြပါလား?
တိုင်းပြည်အတွက်ဘဲရှင်….
အဲဒီလို ခနလေးလက်တွဲ ကြရင်း အဲဒီ လက်တွေမြဲသွားကြရင် တိုင်းပြည်အတွက် အကျိုးမဖြစ်ဘူးလား?
အင်အားတွေတိုးမလာနိူင်ဘူးလား?
ကျမက စေတနာနဲ့ ရေးတာကို လက်ခံတာ။မခံတာ အားလုံးရဲ့ သဘောပါ။
ကဲ…..ကျမတို့ အားလုံး ခနလေးဖြစ်ဖြစ် လက်တွဲကြရအောင်……
စကားချပ်။…။ခနလေး…တခုပြောချင်တယ်။
လက်တွဲကြမယ့် လူတွေ ထဲမှာ ပြည်သူ့ ဖက်သားစစ်စစ်တွေဘဲပါရမှာ။
အယောင်ဆောင်၊အချောင်သမား တိုင်းပြည်ကိုရောင်းစားပြီးကြီးပွါးချမ်းသာနေတဲ့ သူတွေနဲ့ တော့ 
ယောင်လို့ တောင်လက်မတွဲနိူင်ဘူး။ဒီပွဲက သန့် မယ်။ပြီးတော့ သန့် တယ်။
စေတနာဖြင့် …မေမြန်မာ။၂၇.၁၁.၂၀၀၇.
December 3, 2007
Posted by maricopa2007 |
message |
Leave a comment
http://www.mizzimaburmese.com/content/view/296/4/
ဆောင်းပါး
ကလိုစေးထူး
Thursday, 29 November 2007 14:14 – မြန်မာစံတော်ချိန်
လူမိုက်တွေရဲ့ လက်သုံးစကားလားတော့ မသိ …။ အရပ်ထဲမှာ ပြောကြတာကို ကျနော် ကြားဖူးတာ တခုရှိပါတယ်။ အဲဒါကတော့ `ထောင်အပြင် တန်းမရှိ´ တဲ့။
ယောက်ျားတွေအတွက် ထောင်ဆိုတာ အဆိုးဆုံး…၊ မိန်းမတွေအတွက်တော့ `တန်း´ ဆိုတာက အဆိုးဆုံး။ ဒီတော့ ယောက်ျားတယောက်အဖို့ ထောင်ကျသွားပြီးမှတော့ ဘာများထူးအုံးမှာလဲ ဆိုတဲ့ သဘောသဘာဝကို ပြောချင်တာ ထင်ရဲ့။ ဒါပေမယ့် ….။
***
၁၉၉၂ ခုနှစ်မှာ မြန်မာစစ်တပ်ဟာ ကရင်ပြည်နယ်အနှံ့ ထိုးစစ်တွေ တရစပ် ဆင်ခဲ့ပါတယ်။ အဲဒီ နှစ်ကုန်ပိုင်းမှာပဲ ကာကွယ်ရေး ဦးစီးချုပ် အပြောင်းအလဲ ဖြစ်ခဲ့ပြီးနောက်မှာတော့ ထိုးစစ်တွေကို ငြိမ်းချမ်းရေး အလို့ငှာ အကြောင်းပြပြီး ပြန်လည် ရုပ်သိမ်းခဲ့ပါတယ်။
အဲဒီထိုးစစ်တွေရဲ့ တန်ဆာခံ ဖြစ်ခဲ့ရတဲ့ အရပ်သား ပြည်သူတွေရဲ့ ပေါ်တာအဖြစ် အသုံးချ ခံခဲ့ရတာတွေကို ကျနော့်ကိုယ်တွေ့နဲ့ ယှဉ်ပြီး အတန်အသင့် ရေးခဲ့ပြီးပါပြီ။
အလျဉ်းသင့်တုန်း တင်ပြချင်တာ တခုရှိပါတယ်။ မြန်မာစစ်တပ်တွေ ရှေ့တန်း စစ်ဆင်ရေး ထွက်ကြတဲ့ အခါ ဘာဖြစ်လို့ သူတို့ဝန်စည်တွေကို သူတို့ မသယ်ဘဲ အရပ်သား ပြည်သူတွေကို အသယ်ခိုင်းရပါသလဲ ဆိုတာပါ။ ကျနော် မြင်မိသလောက် တင်ပြရရင်-
(၁) လက်နက်ကြီး/ လက်နက်ငယ် များရဲ့ ကျည်များကို သူတို့ချည်းသက်သက် သယ်ယူရန် မတတ်နိုင်ခြင်း။
(၂) စားရေ ရိက္ခာများကို သူတို့ချည်းသက်သက် သယ်ယူရန် မတတ်နိုင်ခြင်း။
(၃) တပ်တွင်း အခွင့်ထူးခံ အရာရှိကြီးငယ်များရဲ့ ၀န်စည် စလယ်များကို အခြားအဆင့် စစ်သည်များက သယ်ယူရန် မတတ်နိုင်ခြင်း။
အဲဒီအချက်တွေအပြင် ပိုဆိုးတာတခုကတော့ သူတို့မှာ ပါလာတဲ့ ဒုတိယကမ္ဘာစစ် လက်ထက်ကတည်းက မြေပုံက လက်ရှိမြေပြင် အနေအထားနဲ့ ကွာဟနေလို့ အသုံးမတည့်လှတာကြောင့် နယ်မြေကျွမ်းကျင်တဲ့ ဒေသခံ တယောက်ယောက်ကို လမ်းပြ အလို့ငှာ အသုံးချခြင်းပါ။ အဲဒီလမ်းပြတွေက အသက် အန္တရာယ်နဲ့လဲ ပိုနီးစပ်ပါတယ်။ ရှေ့ဆုံးက သွားရတဲ့အပြင် မြေမြုပ်မိုင်း အန္တရာယ်ကလဲ ရှိပါသေးတယ်။
၁၉၉၅ ခုနှစ် နောက်ပိုင်းမှာ အရပ်ထဲက ပြည်သူတွေကို ပေါ်တာအဖြစ် အသုံးချတာ အတော်ကြီးကို နည်းသွားခဲ့ပါတယ်။ အိုင်အယ်လ်အို အဖွဲ့ရဲ့ ဖိအားကြောင့် ရပ်ကွက်/ ကျေးရွာ ရအဖ ရုံးတွေမှာဆိုရင်လဲ `အတင်းအကျပ် လုပ်အားပေး ဆင့်ခေါ် စေခိုင်းမှု´ နဲ့ ပတ်သက်တဲ့ အမိန့်စာလေးတွေကို ဟိုတစ ဒီတစ တွေ့လာရပါတယ်။ အဲဒီတုန်းကတော့ ဟုတ်တုတ်တုတ်တော့ ရှိလာပြီလားလို့ ထင်မိသား။ သို့သော်…။
၁၉၉၇ ခုနှစ်မှာ ကရင်ပြည်နယ် အနှံ့အပြားမှာ ထိုးစစ်တွေ ထပ်မံ ပြုလုပ်ပြန်ပါတယ်။ ကျနော်တို့ မြို့ကလေးမှာဆိုရင် ဘောလုံးကွင်းထဲမှာလဲ စစ်ကားတွေ အပြည့်၊ မြို့ထဲ လမ်းမပေါ်မှာလဲ စစ်ကားတွေ အစီအရီနဲ့ တမြို့လုံး အစိမ်းရောင်တွေနဲ့ အုံ့မှိုင်းနေခဲ့ပါတယ်။ ကရင်အကိုကြီး တယောက်ရဲ့ အဲဒါနဲ့ ပတ်သက်လို့ ပြောစကားကို အခုထိ မှတ်မိနေပါသေးတယ်။ `ရဲဘော်တွေ များတာတော့ လက်ကုန်ပဲဟေ့၊ ရဲဘော်စစ်ကြောင်းက ခေါင်းက ရှေ့တန်းရောက်ပေမယ့် အမြီးက တို့မြို့မှာ ရှိတုန်း..´ …တဲ့။
***
`ကျနော်တို့ကို ဒီအိမ်ဝင်းမှာ တည်းခွင့်ပြုပါ´
တည်းခွင့်ပြုပါ သာ ပြောတယ်။ အိမ်ဝိုင်းထဲကို ရောက်နှင့်နေကြပြီ ဖြစ်တဲ့ အစိမ်းရောင် လူတစုကို မေမေက ဘာမှ မတတ်နိုင်တဲ့ဟန်နဲ့ မေးအသာ ဆတ်ပြလိုက်ပါတယ်။ တပ်မနဲ့ ချီပြီး များပြားလှတဲ့ စစ်သားတွေ ရောက်နေတာကြောင့် နယ်ခံတပ်ရင်းမှာ နေရာ မဆန့်ပေလို့လားတော့ မသိ..။ ကျနော်တို့ မြို့လေးရဲ့ စစ်တပ်နဲ့ အနီးဆုံး ရပ်ကွက်က အိမ်တော်တော်များများမှာ အခုလိုပဲ စစ်သားတွေ ဟိုတစု ဒီတစု ၀င်တည်းကြပါတယ်။ တညတန်သည်၊ နှစ်ညတန်သည် တည်းပြီးရင်တော့ ရှေ့တန်း ထွက်ကြပါတယ်။
`ကျနော်တို့ အိမ်အောက်မှာပဲ အိပ်ကြမှာပါ´
ခေါင်းဆောင် ဖြစ်ဟန်တူသူ သုံးရစ်နဲ့ ပုဂ္ဂိုလ်က ပြောပြောဆိုဆိုနဲ့ ပါလာတဲ့ သူ့လူတွေကို ခြံထောင့်မှာ နေရာ ချထားပေးပါတယ်။ တဆက်တည်းမှာ သူ့တပည့်တွေကို `ကင်းချဟေ့´ လို့ အမိန့်ပါ တခါတည်း ပေးလိုက်တော့ ကျနော်တို့ အိမ်ဝင်းလေးလဲ နေရင်းထိုင်ရင်းနဲ့ အစောင့်နဲ့ ဘာနဲ့ လုံခြုံရေးအပြည့် ဖြစ်သွားသလိုလို…။ အဲဒီမှာတင် သတိထားမိတာကတော့….။
မီးသတ်ဝတ်စုံအရောင် အင်္ကျီအပြာ၊ ဘောင်းဘီအပြာနဲ့ လူတချို့..။ မျက်နှာထားတွေကလဲ စိုးရွံ့နေသလိုလို မျက်နှာငယ်လေးတွေနဲ့ ..။ နောက်တော့မှ သိရတာက အဲဒါ `ထောင်သားတွေ´ တဲ့..။
***
စစ်တပ်အကြီးအကဲ အုပ်ချုပ်သူများရဲ့ ရွှေဉာဏ်တော် စူးရောက်ချက်လားပဲ ပြောရမလား မသိ..။ အရပ်ထဲက ပြည်သူတွေကို လူမြင်သူမြင် ပေါ်တာဆွဲဖို့ အခြေအနေ မပေးတော့တဲ့ အခါမှာ သူတို့ရဲ့ ၀န်စည်တွေကို သယ်ပိုးသမားအဖြစ် အသုံးချဖို့ သူတို့ မျက်စိကျတာကတော့ ထောင်တွေထဲမှာ အပြစ်ဒဏ် ကျခံနေရတဲ့ အကျဉ်းသားတွေပါ။
`၀န်ဆောင် တပ်ရင်း´ လို့ အမည်ပေးပြီးတော့ ရဲဘက်စခန်းအချို့က အကျဉ်းသားတွေကို ပေါ်တာအလို့ငှာ အသုံးချတဲ့ စနစ်ကို (ကျနော်တွေ့ရှိ မှတ်သားမိသလောက်) အဲဒီနှစ်မှာ စတင် အသုံးပြုခဲ့ပါတယ်။ အစ ပထမပိုင်းမှာတော့ သူတို့ အများဆုံး အသုံးပြုလေ့ရှိတဲ့ အကျဉ်းသား အမျိုးအစားကတော့ စစ်ပြေးမှု၊ စစ်စည်းကမ်း ဖောက်ဖျက်မှု အစသဖြင့် ပြစ်မှုတွေနဲ့ စစ်တပ်မှ ထုတ်ပယ်ရန် အလို့ငှာ အရပ်ထောင် အချခံရတဲ့ အကျဉ်းသားတွေပါ။
စကားချပ်။ (စစ်သားတွေကို ထောင်ဒဏ် အပြစ်ပေးနည်း နှစ်နည်း ရှိပါတယ်။ စစ်ထောင်နဲ့ အရပ်ထောင်ပါ။ စစ်ထောင်ကတော့ စစ်တပ်မှ နှုတ်ထွက်စရာ မလိုပါဘူး။ အများဆုံး စစ်ထောင် အပြစ်ဒဏ်ကလဲ တနှစ်အထိသာ ချလေ့ ရှိပါတယ်။ အရပ်ထောင်ကတော့ စစ်တပ်ကနေပါ ထုတ်ပယ်တဲ့ အပြစ်ဒဏ် ကျူးလွန်ရင် ပေးတဲ့ အပြစ်ဒဏ်ပါ။ နှစ်မျိုးလုံးကို စစ်ခုံရုံးကနေ အမိန့်ချတာပါ။)
စစ်ဆင်ရေး ပမာဏက ကြီးလွန်းတော့ နောက်ပိုင်းမှာ စစ်ပြေး အကျဉ်းသားတွေနဲ့တင် မလုံလောက်တော့ပါဘူး။ အဲဒီမှာ တဆင့်တက်ပြီး လွတ်ရက်စေ့ နှစ်ရှည် အကျဉ်းသားတွေကို အသုံးချပြန်ပါတယ်။ ကျနော်တို့ အိမ်မှာ လာတည်းသွားကြတဲ့ စစ်သားတွေနဲ့ အတူ ပါလာတဲ့ အကျဉ်းသား ပေါ်တာ တယောက်ကို စပ်စုကြည့်မိတော့ သူက လူသတ်မှုနဲ့ ထောင်ဒဏ် ဆယ့်သုံးနှစ် ကျခဲ့တာ ထောင်ထဲမှာ ဆယ်နှစ်နေခဲ့ပြီးပါပြီတဲ့။ ကျန်တဲ့ သုံးနှစ်ကို အခု ပေါ်တာအဖြစ် လိုက်ရင် ပြန်ရောက်တာနဲ့ ထောင်ကနေ လွှတ်ပေးမယ်ဆိုလို့ စွန့်စားတဲ့ အနေနဲ့ လိုက်ခဲ့တာလို့ ပြောပါတယ်။ သူ့စိတ်ထင် တခေါက်ကို အလွန်ဆုံးကြာလှ လေးငါးလပေါ့လို့ ထင်ခဲ့မိပါတယ်တဲ့။
စစ်ပြေး အကျဉ်းသားတွေကိုတော့ စစ်သား လုပ်ခဲ့ဖူးတဲ့ အတွေ့အကြုံ ရှိပြီးသားမို့လို့ အသုံးချတယ်လို့ သုံးသပ်မိပါတယ်။ ဒါပေမယ့် အရာရှိ ဘ၀ကနေ အရပ်ထောင် ကျသွားတဲ့ အကျဉ်းသား ပေါ်တာတွေတော့ မတွေ့ခဲ့ရပါဘူး။ အခြားအဆင့်ကနေ ထောင်ကျတဲ့ စစ်သားဟောင်း အကျဉ်းသားတွေပဲ ပါလာတာ တွေ့ပါတယ်။
`၀န်ဆောင်တပ်သားများ´ လို့ ခေါ်ဝေါ်တဲ့ အဲဒီ အကျဉ်းသားတွေရဲ့ အသက် တန်ကြေးဟာ ရှေ့တန်း စစ်မြေပြင်ကို ထွက်လိုက်တာနဲ့ ဖက်ရွက် တခုလောက်တောင် တန်ဖိုး မရှိတော့ပါဘူး။ ခန္ဓာနဲ့ဝန် မျှသည် မမျှသည်ကိုလဲ လူသားချင်း စာနာတဲ့ အသိနဲ့ စစ်သားတွေက သူတို့ အတွက် ထည့်တွက်လေ့ မရှိပါဘူး။ ထွက်ပြေးရင်လဲ အသေသာ ပစ်သတ်လေ့ ရှိပါတယ်။ သေသွားတော့လဲ ခွေးသေတကောင်လောက်တောင် တန်ဖိုးမထား ပစ်စလတ်ခတ် ပစ်ထားလိုက်တာပါပဲ။ `ခွေးကမှ ချက်စားလို့ ရသေးလို့ မင်းတို့ထက် အဖိုးတန်သေးတယ်´ လို့ စစ်သားတယောက်က ပြောတယ်လို့ အကျဉ်းသား ပေါ်တာကြီး တယောက် ရင်ဖွင့်ခဲ့ဖူးပါတယ်။
တပ်ရင်းက ရှေ့တန်းကို ထွက်ကြတဲ့ အခါ အရာရှိ လုပ်သူတွေက ပစ္စတိုလေး ခါးချိတ်လို့ ဘာဝန်စည်စလယ်မှ မပါ၊ အိုက်တင် အခန့်သား၊ တပ်မှူးဆိုရင် တုတ်ကောက်လေး တထောက်ထောက်နဲ့ ဟန်ပါပါ သွားနိုင်ပေမယ့် သူတို့ရဲ့ ၀န်စည်စလယ်တွေကို ၀န်တင်လားများသဖွယ် မနိုင့်တနိုင် ထမ်းပိုး လိုက်ပါသွားရတဲ့ အကျဉ်းသား ပေါ်တာတွေရဲ့ ပုံရိပ်က ရင်ဆို့စရာ ကောင်းလှပါတယ်။ ဘယ်နှယောက် ရှေ့တန်း စစ်မြေပြင်မှာ သေဆုံးပြီး၊ ဘယ်နှယောက် အသက်မသေဘဲ လျှောလျှောရှူရှူနဲ့ နောက်တန်းကို ပြန်ရောက်တယ်၊ လွတ်မြောက်ခွင့်ရတယ် ဆိုတာကတော့ တွက်ချက်ဖို့ အတော်လေးကို ခဲယဉ်းတဲ့ ပုစ္ဆာတခုပါပဲ။
`ဘယ်တော့ ပြန်ရမယ်ထင်လဲ´
အိမ်မှာလာတည်းတဲ့ အကျဉ်းသား ပေါ်တာတယောက်ကို လူလစ်တုန်း အဲဒီမေးခွန်းကို တိုးတိုးတိတ်တိတ် မေးကြည့်လိုက်တော့ သူ့မျက်လုံးမှာ မျက်ရည်တွေ စို့ခနဲ တက်လာပါတယ်။ ဟိုးအဝေးကြီးကို ခပ်ငေးငေး ကြည့်ရင်း မျက်ရည်တွေ ပေါက်ခနဲ ကျလာတယ်။ ပြီးတော့ တိုးဖွဖွနဲ့ တခွန်းတည်း ပြန်ဖြေပါတယ်။
`မသိသေးဘူး´ … တဲ့။ ဒါပေမယ့် ကျနော်လဲ သူ့ကို ဘာမှ အကူအညီ မပေးနိုင်ခဲ့ပါဘူး..။
တကယ်တော့ တပ်ရင်းတရင်းရဲ့ စစ်ဆင်ရေး ကာလဟာ များသောအားဖြင့် ခြောက်လခန့်သာ ကြာမြင့်လေ့ ရှိပေမယ့် လှုပ်ရှား သွားလာနေတဲ့ အဲဒီ ခြောက်လအတွင်း ၀န်စည်တွေကို ထမ်းပိုးပြီး ဖြတ်သန်းရမယ့် အကျဉ်းသား ပေါ်တာတွေရဲ့ ၀ဋ်ဒုက္ခကို ခြောက်ရက်တာမျှသာ ပေါ်တာငရဲခံဖူးတဲ့ ကျနော့် ကိုယ်တွေ့နဲ့ ယှဉ်ပြီး ကိုယ်ချင်းစာမိလှပါတယ်။ လူ့ခန္ဓာကိုယ်က ရှိသမျှ အားအင် အကုန်လုံးကို ထုတ်ယူ ပစ်နိုင်လောက်အောင် ပင်ပန်းနွမ်းနယ်လှပြီး ကိုယ့်အသက်ကိုလဲ တန်ဖိုးထားခြင်း တစက်ကလေးမှ မခံရတဲ့အထဲ တပ်ရင်းတရင်းက နောက်တန်းပြန်နားတဲ့ အခါ နောက်ထပ်ရှေ့တန်း တာဝန်ထမ်းဆောင်မယ့် တပ်ရင်းအတွက် အဲဒီ အကျဉ်းသားတွေကို ထပ်မံ လွှဲပြောင်းလို့ ထပ်ခါတလဲလဲ ခိုင်းစေကြပြန်တော့ စစ်သားတွေကမှ ခြောက်လတခါ နားရတယ်၊ သူတို့ ခမျာမှာတော့ စစ်ဆင်ရေးကြီး မပြီးမချင်း ၀န်စည်တွေကို ထပ်တလဲလဲ ထမ်းပိုးနေရသလို ဖြစ်နေပါတယ်။
***
မုတ္တမ-ရန်ကုန် ကားလမ်းဘေးက ဇင်းကျိုက် အနီးမှာ ကျောက်ထု ရဲဘက် အကျဉ်းစခန်း တခုကို ခရီးသွားရတိုင်း ဖြတ်သွားခဲ့ရဖူးပါတယ်။ အဲဒီလို ဖြတ်သန်းရတိုင်းမှာ ဟိုးခပ်ဝေးဝေးက အဖြူရောင် ၀တ်စုံ ပေညစ်ညစ်နဲ့ ပင်ပန်းကြီးစွာ ကျောက်ထုနေတဲ့ အကျဉ်းသားတွေရဲ့ ဒီမှာဘက် လမ်းဘေးအနီးက ဆိုင်းဘုတ်လေးမှာ ရေးထားတဲ့ စာတန်းကို ထင်ထင်ရှားရှား တွေ့နိုင်ပါတယ်။ အဲဒါကတော့..
`ပြစ်မှုကြွေးကို ချွေးဖြင့်ဆပ်မည်´ …တဲ့။
လူ့ဘောင် လောကကြီးမှာ အကြောင်း အမျိုးမျိုးကြောင့် ရာဇ၀တ်ပြစ်မှုတွေ ကျူးလွန်ပြီးလို့ အဲဒီအပြစ်အတွက် ထိုက်တန်တဲ့ ပြစ်မှုကို ခံယူရတယ် ဆိုတာက ဓမ္မတာ ဖြစ်ပါတယ်။ ဒါပေမယ့် အဲဒီ အပြစ်ဒဏ်အတွက် မြန်မာနိုင်ငံက ပေါ်တာ အကျဉ်းသားတွေ ပေးဆပ်နေရတဲ့ ပြစ်ဒဏ်ကတော့ ကြီးမားလွန်းလှပါတယ်။ ဒီအခြေအနေကို ပပျောက်ဖုိ့ ဘယ်လိုလုပ်ရပါ့၊ အင်မတန်လဲ စဉ်းစားရခက်ပါတယ်။ ဘယ်သူ့မှာ တာဝန်ရှိပါသလဲ ဆိုတဲ့ မေးခွန်းကတော့ မေးစရာတောင် လိုတော့မယ်တောင် မထင်ပါ။
ဒါကြောင့်…
ပြစ်မှုကြွေးကို ချွေးနဲ့တင်မက၊ သွေး၊ အသက်နဲ့ပါ ပေးဆပ်နေရတဲ့ ပေါ်တာ အကျဉ်းသားစနစ် မြန်မာပြည်ကနေ လွင့်ပျောက်ပါစေလို့ ဆုတောင်းရုံသာ တတ်နိုင်ရင်း….။
ကလိုစေးထူး
November 29, 2007
December 3, 2007
Posted by maricopa2007 |
from other sites |
Leave a comment
ကျနော် ဒီကနေ့အသက် ၈၈နှစ် ပြည့်ပါပြီ။
ဒီနေ့မှာပဲ အမှတ်တရအနေနဲ့ ကျနော် ပြည်သူများကို စကားအနည်းငယ်ပြောကြားလိုပါတယ်။
ပထမဆုံးအနေနဲ့ ကျနော်ချစ်မြတ်နိုး လှတဲ့ ပြည်သူအပေါင်းကို အားပေးစကား၊ ထောက်ခံစကား ပြောကြားလိုပါတယ်။ ကျနော်တို့ ပြည်သူတွေ စွန့်လွှတ်မှုကြီးစွာ၊ သူရသတိကြီးမားစွာ၊ ဇွဲနပဲကြီးစွာနဲ့ မိမိတို့လိုလားတဲ့ ဒီမိုကရေစီ စနစ်တရပ်ရဖို့၊ မိမိတို့ဘ၀လွတ်မြောက်ဖို့၊ တဗိုလ်ကျ တဗိုလ်တက်စနစ်နဲ့ စဉ်ဆက်မပြတ်ကြိုးပန်းနေမှုအပေါ် ကျနော်သိပ်ဂုဏ်ယူပါတယ်။ ခင်ဗျားတို့တတွေ အားမ လျှော့ဘဲဆက်ကြိုးစားကြပါ။ ကျနော် အမြဲထာဝရ ခင်ဗျားတို့ကို ထောက်ခံအားပေးသွားပါ့ မယ်။ ခင်ဗျားတို့နောက်ဆုံး အောင်မြင်မှာပါ။
ဒုတိယ တိုက်တွန်းပြောကြားလိုတာကတော့၊ အတိုက်အခံနိုင်ငံရေးအင်အားစုတွေ၊ လူမျိုးစုခေါင်းဆောင်တွေကိုပါ။ ခင်ဗျားတို့တကယ်ပဲ တိုင်းပြည်နဲ့ပြည်သူတွေကို ချစ်တယ်ဆို ရင် အတိတ်တွေအားလုံး၊ အမြင်မတူတာတွေအားလုံးဘေးဖယ်ပြီး အလွန်ကြီးမားကျယ်ပြန့်တဲ့ တပ်ပေါင်းစုကြီးတရပ် ပေါ်လာအောင် ကြိုးစားကြပါ။ အခုချိန်ဟာ ဒီမိုကရေစီလှုပ်ရှားမှု အတွက် နိုင်ငံတကာက ထောက်ခံမှုကို မရစဖူး အကြီးအကျယ်ရနေချိန်၊ ပြည်သူတွေရဲ့ နိုင်ငံ ရေးစိတ်ဓါတ်အရှိန် မြင့်နေချိန်၊ ဒီအခွင့်ကောင်းကိုဆုပ်ကိုင်ပြီး သဘောထားကြီးကြီးထားပြီး စည်းလုံးညီညွတ်ရေးရအောင် ကြိုးစားကြပါလို့ တိုက်တွန်းပါရစေ။
တတိယကတော့ ကျနော်ကိုယ်တိုင် ပါဝင်တည်ဆောက်ခဲ့တဲ့ ဗမာ့တပ်မတော်ကြီးက ဗိုလ်ချုပ်ကြီးများကစလို့ အောက်ခြေတပ်မှူးတပ်သားအားလုံးကို သတိပေးစကား ပြောလိုပါ တယ်။ ကျနော်လွန်ခဲ့တဲ့နှစ်ပေါင်းသုံးဆယ် ၁၉၇၆ ခုနှစ်က တိုင်းပြည်သို့ တိုင်းပြည်သို့တင်ပြ ချက်ဆိုတဲ့ မိန့်ခွန်းတရပ် အသံလွှင့်ပြောဖူးပါတယ်။ အဲဒီတုန်းက ခင်ဗျားတို့တပ်မတော်သား များကို ခင်ဗျားတို့ ဒီအတိုင်းသွားရင်တော့ အတောမသတ်တဲ့ ပြည်သူ့သတ်ပွဲတွေ လုပ်သွားရ လိမ့်မယ်။ ခင်ဗျားတို့ နောင်သားစဉ်မြေးဆက် ခေါင်းဖော်ရဲမှာမဟုတ်ဘဲ သမိုင်းအမှိုက်ပုံးထဲ ပြည်သူတွေက စွန့်ပစ်ကြ လိမ့်မယ်လို့ ထောက်ပြပြောဆိုခဲ့ဖူးပါတယ်၊ အခု ခင်ဗျားတို့ဘ၀ကိုပြန် ကြည့်ပါ ခင်ဗျားတို့တတွေ ကျေးလက်တောရွာ ဒေသတွေမှာ လူမျိုးစုဒေသတွေမှာ ထောင်တွေအချုပ်ခန်းတွေထဲမှာ သတ်ခဲ့၊ ဖြတ်ခဲ့၊ အနိုင်ကျင့်ခဲ့တာတွေ နည်းသလား။ ရန်ကုန်မြို့အပါအ၀င် မြို့တကာကလမ်းတွေ ပေါ်မှာ ရော ပြဿနာပေါ်တိုင်း သွေးချောင်းစီး သတ်ဖြတ်ခဲ့တာရော နည်းသလား။ လူအများအပြားကို ဖမ်းဆီးနှိပ်ဆက်၊ ပုဒ်မအမျိုးမျိုးတပ်ပြီး နစ်ရှည်ထောင်ဒဏ်တွေချနေတာရော နည်းသလား။
အခုနောက်ဆုံး စက်တင်ဘာ သံဃာ့အရေးတော်ပုံမှာ ရန်ကုန်မြို့လယ်ခေါင် ရွှေတိဂုံဘုရား ခြေတော်ရင်း၊ ဆူးလေဘုရား ခြေတော်ရင်းတွေမှာ ဘုရား သားတော်သံဃာတော်များကို ရိုက်ရ၊ နှက်ရ၊ သတ်ဖြတ်ရလုပ်နေ ရပြန်ပါပြီ။ ခင်ဗျားတို့တတွေ ဒီလိုအတောမသတ် သွေးချောင်စီး သတ်ဖြတ်ပြီး ဖိနှိပ်လိုက်လို့ ပြဿနာတွေ ပြေလည်သွားသလား။ လူထုက ကာလတခုပဲ ငြိမ်သွားပြီး။ ပြန်ထကြွတာပဲ မဟုတ်လား။ ခင်ဗျားတို့ပဲ ဂုဏ်သိက္ခာတွေကျပြီးရင်းကျရင်းနဲ့ ကမ္ဘာ့ အလယ်တံတွေးခွက် ပက်လက်မြောရပြီး၊ လူတောမတိုးရဲတဲ့ဘ၀ ရောက်ရပြီးမဟုတ်လား။ ပြည်သူတွေရဲ့ မုန်းတီးရွံ ရှာနာကျည်းမှုကတော့ ပြောစရာမရှိတော့ဘူး။ ဒါ့ကြောင့် ခင်ဗျားတို့ အနေနဲ့ ထစ်ကနဲ့ရှိတိုင်း လက်နက်သုံးအကြမ်းဖက် ဖြေရှင်းတဲ့နည်းကို စွန့်လွှတ်လိုက်ပါတော့။ နောက် ဖြေရှင်းနည်းတခု ဖြစ်တဲ့ တွေ့ဆုံဆွေးနွေးအဖြေရှာတဲ့နည်းကို စမ်းသပ်လုပ်ဆောင်ကြည့် ပါလို့ အကြံပေးပါရစေ။ ခင်ဗျားတို့တကယ်ပဲ ပြည်သူတွေကိုချစ်ရင်၊ ပြည်သူတွေပေါ်မှာ သဘောထား မှန်ရင်၊ အခု ကုလသမဂ္ဂက ၀င်ရောက်ဖြန်ဖြေလုပ်ဆောင်ပေးနေတဲ့ လုပ်ငန်းတွေမှာ တက်တက် ကြွကြွ ၀င်ရောက်လုပ်ဆောင်ကြည့်ပါလို့ တိုက်တွန်းပါရစေ။
ကဲဒီလောက်ပါဘဲဗျာ
December 3, 2007
Posted by maricopa2007 |
message |
Leave a comment
3 Dec 07, 10:32 Pyro : software like yourfeedom will be more safe because it goes like this PC –> Bagan Proxy –> yourfreedom server –> [internet] even tho it was connect to bagan proxy. On PC , yourfreedom softwar encrypt the data with SSL first and tunnel to freedomserver. So, when SPDC setup sniffer on Bagan Proxy what they see is SSL encrypted Stream of data which is very hard to decrypt. But for the free web proxies, SPDC can see , at least the URL of where you going. Here is how web proxy works PC –> bagan-proxy –> web proxy –> Internet. Between PC and Bagan Proxy there is no SSL , it goes directly as web request. Also from bagan proxy to web proxy , it goes directly as web request. What worse is , if the web proxy do not have ssl. it will return the data as plain HTML back to Bagan Proxy , then SPDC can view everything what you viewed. Don’t even need to setup sniffers , just can be viewed on Squid proxy cache and logs.
Web Proxy are only best to use for bypassing, but yourfeerdom / tunneling software can help a lot better for anomity. after passing through yourfreedom , all your data is encrypted.
ဒါကတော့ freedom လိုမျိုးဆော့ဝဲတွေသုံးတာဟာ ရိုးရိုး bypass web-proxy တစ်ခုသုံးတာထက် ပိုပြီးလုံခြုံသမှုပေးနိုင်ကြောင်း Pyro ကရှင်းပြသွားတာပါ။ ပြည်တွင်းက အင်တာနက်သုံးစွဲသူများအနေနဲ့ ဘယ်လိုလုပ်သင့်တယ်ဆိုတာသိနိုင်အောင်ဖြစ်ပါတယ်။ ကို Pyro ကိုလဲ ပြည်တွင်းက လူငယ်များရဲ့ကိုယ်စား ကျေးဇူးတင်ကြောင်းပါဗျာ
December 3, 2007
Posted by maricopa2007 |
bypassingSPDC, message |
1 Comment
မင်္ဂလာပါခင်ဗျာ
မိတ်ဆွေများအားလုံးကို ကျနော် maricopa ရဲ့ blog မှ ကြိုဆိုပါတယ်။
We are right at the center of the junction of our future’s road. What we actually need to choose our road is to end military ruling in our country. If we don’t do anything right now, our children will face it.
“စစ်သားမဟုတ်ပေမယ့် နိုင်ငံအတွက်
အမျိုးမျိုးအနစ်နာခံ၊ အမျိုးမျိုးစွန့်စားလုပ်ကြတဲ့
လူတွေလည်း ရှိတာပဲ။
အဲဒါကြောင့်
စစ်သားမှ စစ်သားဆိုတဲ့စိတ်ဓါတ်ကို
ပြောင်းကြရမယ်။
ငါတို့ ဟာ
လက်နက်ကိုင်တွေဖြစ်ကြသော်လည်း
မတရားမလုပ်၊ နိုင်ငံရဲ့ရန်သူတွေမဟုတ်၊ နိုင်ငံရဲ့မိတ်ဆွေတွေဖြစ်တယ်ဆိုတာကို
သဘောပေါက်ရမယ် “
ဗိုလ်ချုပ်အောင်ဆန်း
December 3, 2007
Posted by maricopa2007 |
message |
Leave a comment
Maricopa2007's Weblog 